ואם זבח שלמים קרבנו אם מן הבקר הוא מקריב אם זכר אם נקבה תמים יקריבנו לפני יהוה:

והקריב מזבח השלמים אשה ליהוה את החלב המכסה את הקרב ואת כל החלב אשר על הקרב:

והקטירו אתו בני אהרן המזבחה על העלה אשר על העצים אשר על האש אשה ריח ניחח ליהוה:

אם כשב הוא מקריב את קרבנו והקריב אתו לפני יהוה:

והקריב מזבח השלמים אשה ליהוה חלבו האליה תמימה לעמת העצה יסירנה ואת החלב המכסה את הקרב ואת כל החלב אשר על הקרב:

והקטירו הכהן המזבחה לחם אשה ליהוה:

וסמך את ידו על ראשו ושחט אתו לפני אהל מועד וזרקו בני אהרן את דמו על המזבח סביב:

ואת שתי הכלית ואת החלב אשר עלהן אשר על הכסלים ואת היתרת על הכבד על הכלית יסירנה:

חקת עולם לדרתיכם בכל מושבתיכם כל חלב וכל דם לא תאכלו:

וזאת תורת זבח השלמים אשר יקריב ליהוה:

על חלת לחם חמץ יקריב קרבנו על זבח תודת שלמיו:

ובשר זבח תודת שלמיו ביום קרבנו יאכל לא יניח ממנו עד בקר:

והנותר מבשר הזבח ביום השלישי באש ישרף:

לכן אחרי נצדקנו באמונה שלום לנו עם האלהים באדנינו ישוע המשיח:

כי אם נרצינו לאלהים במות בנו בהיותנו איבים אף כי נושע עתה בחייו אחרי אשר נרצינו:

כי הוא שלומנו אשר עשה השנים לאחד והרס מחיצת הגדר:

וירצה את שניהם בגוף אחד לאלהים על ידי צליבתו בהמיתו בנפשו את האיבה:

ולרצות אל עצמו את הכל על ידו בעשותו שלום בדם צלבו על ידו הן אשר בארץ הן אשר בשמים: