ויאמר חושי אתה ידעת את אביך ואת אנשיו כי גברים המה ומרי נפש המה כדב שכול בשדה ואביך איש מלחמה ולא ילין את העם:

פגוש דב שכול באיש ואל כסיל באולתו:

ראיתי את אדני נצב על המזבח ויאמר הך הכפתור וירעשו הספים ובצעם בראש כלם ואחריתם בחרב אהרג לא ינוס להם נס ולא ימלט להם פליט:

ואם יחבאו בראש הכרמל משם אחפש ולקחתים ואם יסתרו מנגד עיני בקרקע הים משם אצוה את הנחש ונשכם:

יכרסמנה חזיר מיער וזיז שדי ירענה:

שאגה לו כלביא ושאג ככפירים וינהם ויאחז טרף ויפליט ואין מציל:

כל חיתו שדי אתיו לאכל כל חיתו ביער:

העיט צבוע נחלתי לי העיט סביב עליה לכו אספו כל חית השדה התיו לאכלה: