יהוה מלך עולם ועד אבדו גוים מארצו:

אתה הוא מלכי אלהים צוה ישועות יעקב:

זמרו אלהים זמרו זמרו למלכנו זמרו:

כי מלך כל הארץ אלהים זמרו משכיל:

ואלהים מלכי מקדם פעל ישועות בקרב הארץ:

כי ליהוה מגננו ולקדוש ישראל מלכנו:

ישמח ישראל בעשיו בני ציון יגילו במלכם:

כי יהוה שפטנו יהוה מחקקנו יהוה מלכנו הוא יושיענו:

אני יהוה קדושכם בורא ישראל מלככם:

הנה קול שועת בת עמי מארץ מרחקים היהוה אין בציון אם מלכה אין בה מדוע הכעסוני בפסליהם בהבלי נכר:

והיה יהוה למלך על כל הארץ ביום ההוא יהיה יהוה אחד ושמו אחד:

ויען נתנאל ויאמר אליו רבי אתה בן אלהים אתה הוא מלך ישראל:

ואנכי יהוה אלהיך מארץ מצרים ואלהים זולתי לא תדע ומושיע אין בלתי:

כי עתה יאמרו אין מלך לנו כי לא יראנו את יהוה והמלך מה יעשה לנו:

ואמר אי אלהימו צור חסיו בו:

ראו עתה כי אני אני הוא ואין אלהים עמדי אני אמית ואחיה מחצתי ואני ארפא ואין מידי מציל:

ואיה אלהיך אשר עשית לך יקומו אם יושיעוך בעת רעתך כי מספר עריך היו אלהיך יהודה:

הם המליכו ולא ממני השירו ולא ידעתי כספם וזהבם עשו להם עצבים למען יכרת:

ויקם יהוה שפטים ויושיעום מיד שסיהם:

וכי הקים יהוה להם שפטים והיה יהוה עם השפט והושיעם מיד איביהם כל ימי השופט כי ינחם יהוה מנאקתם מפני לחציהם ודחקיהם:

ויאמרו אליו הנה אתה זקנת ובניך לא הלכו בדרכיך עתה שימה לנו מלך לשפטנו ככל הגוים:

וירע הדבר בעיני שמואל כאשר אמרו תנה לנו מלך לשפטנו ויתפלל שמואל אל יהוה:

וימאנו העם לשמע בקול שמואל ויאמרו לא כי אם מלך יהיה עלינו:

והיינו גם אנחנו ככל הגוים ושפטנו מלכנו ויצא לפנינו ונלחם את מלחמתנו:

וישלח יהוה את ירבעל ואת בדן ואת יפתח ואת שמואל ויצל אתכם מיד איביכם מסביב ותשבו בטח:

ותראו כי נחש מלך בני עמון בא עליכם ותאמרו לי לא כי מלך ימלך עלינו ויהוה אלהיכם מלככם:

ויהי כשמע כל ישראל כי שב ירבעם וישלחו ויקראו אתו אל העדה וימליכו אתו על כל ישראל לא היה אחרי בית דוד זולתי שבט יהודה לבדו: