אשתיו חמרא ושבחו לאלהי דהבא וכספא נחשא פרזלא אעא ואבנא:

בה שעתה נפקו אצבען די יד אנש וכתבן לקבל נברשתא על גירא די כתל היכלא די מלכא ומלכא חזה פס ידה די כתבה:

אמר אויב ארדף אשיג אחלק שלל תמלאמו נפשי אריק חרבי תורישמו ידי:

נשפת ברוחך כסמו ים צללו כעופרת במים אדירים:

יהי למלא בטנו ישלח בו חרון אפו וימטר עלימו בלחומו:

והאלהים אמר לו אתה הכסיל בעצם הלילה הזה ידרשו ממך את נפשך ואשר הכינות לך למי יהיה:

ויריעו לו העם לאמר קול אלהים הוא ולא קול אדם:

ויכהו מלאך יהוה פתאם עקב אשר לא נתן הכבוד לאלהים ויאכלהו תולעים ויגוע:

כי בעת אמרם שלום ושלוה יבא עליהם השבר פתאם כחבלים על ההרה ולא יוכלו להמלט:

דנה פשרא מלכא וגזרת עליא היא די מטת על מראי מלכא:

ולקצת יומיה אנה נבוכדנצר עיני לשמיא נטלת ומנדעי עלי יתוב ולעליא ברכת ולחי עלמא שבחת והדרת די שלטנה שלטן עלם ומלכותה עם דר ודר:

והנה קול מן השמים אומר זה בני ידידי אשר רצתה נפשי בו:

אבי פאר את שמך ותצא בת קול מן השמים גם פארתי וגם אוסיף לפאר:

ויהי הוא הלך וקרב לדמשק והנה פתאם נגה עליו מסביב אור מן השמים:

ויאמר מי אתה אדני ויאמר האדון אנכי ישוע אשר אתה רודף קשה לך לבעט בדרבנות:

ואשמע את המזבח אמר אמנם כן יהוה אלהים צבאות אמת וצדק משפטיך:

פרס פריסת מלכותך ויהיבת למדי ופרס:

ועתה ממלכתך לא תקום בקש יהוה לו איש כלבבו ויצוהו יהוה לנגיד על עמו כי לא שמרת את אשר צוך יהוה:

כי חטאת קסם מרי ואון ותרפים הפצר יען מאסת את דבר יהוה וימאסך ממלך: