וכדי רם לבבה ורוחה תקפת להזדה הנחת מן כרסא מלכותה ויקרה העדיו מנה:

ימיקו וידברו ברע עשק ממרום ידברו:

לפני שבר גאון ולפני כשלון גבה רוח:

כלה בחכה העלה יגרהו בחרמו ויאספהו במכמרתו על כן ישמח ויגיל:

על כן יזבח לחרמו ויקטר למכמרתו כי בהמה שמן חלקו ומאכלו בראה:

הנה עפלה לא ישרה נפשו בו וצדיק באמונתו יחיה:

ואף כי היין בוגד גבר יהיר ולא ינוה אשר הרחיב כשאול נפשו והוא כמות ולא ישבע ויאסף אליו כל הגוים ויקבץ אליו כל העמים:

ואמר לנפשי נפשי יש לך עתודות הרבה לשנים רבות הנפשי אכלי שתי ושישי:

והאלהים אמר לו אתה הכסיל בעצם הלילה הזה ידרשו ממך את נפשך ואשר הכינות לך למי יהיה:

כי כל המרומם את עצמו ישפל והמשפיל את עצמו ירומם:

וכן גם אתם הנערים הכנעו לפני הזקנים וחגרו כלכם שפלות רוח בהכנע איש לרעהו כי אלהים ללצים יליץ ולענוים יתן חן:

ותהי ראשית ממלכתו בבל וארך ואכד וכלנה בארץ שנער:

ויהי בנסעם מקדם וימצאו בקעה בארץ שנער וישבו שם:

ויאמרו הבה נבנה לנו עיר ומגדל וראשו בשמים ונעשה לנו שם פן נפוץ על פני כל הארץ:

ויאמר יהוה הן עם אחד ושפה אחת לכלם וזה החלם לעשות ועתה לא יבצר מהם כל אשר יזמו לעשות:

ויפץ יהוה אתם משם על פני כל הארץ ויחדלו לבנת העיר:

והעיר הגדולה נחלקה לשלשה חלקים ותפלנה ערי הגוים ותזכר בבל הגדולה לפני אלהים לתת לה כוס יין חמת אפו:

ועל מצחה כתוב שם סוד בבל הגדולה אם הזנות ותועבות האדמה:

ומרחוק יעמדו מפני אימת ענויה ואמרו אוי אוי לך בבל העיר הגדולה העיר החזקה כי בשעה אחת בא משפטך:

וישא מלאך נורא אבן גדולה כפלח רכב וישליכה אל תוך הים לאמר ככה תשלך במערצה בבל העיר הגדולה ולא תמצא עוד:

והעשר והכבוד מלפניך ואתה מושל בכל ובידך כח וגבורה ובידך לגדל ולחזק לכל:

וכי מי אני ומי עמי כי נעצר כח להתנדב כזאת כי ממך הכל ומידך נתנו לך:

והבית אשר אני בונה גדול כי גדול אלהינו מכל האלהים:

ומי יעצר כח לבנות לו בית כי השמים ושמי השמים לא יכלכלהו ומי אני אשר אבנה לו בית כי אם להקטיר לפניו:

כי יאמר הלא שרי יחדו מלכים:

כאשר מצאה ידי לממלכת האליל ופסיליהם מירושלם ומשמרון:

והיה כי יבצע אדני את כל מעשהו בהר ציון ובירושלם אפקד על פרי גדל לבב מלך אשור ועל תפארת רום עיניו:

ותמצא כקן ידי לחיל העמים וכאסף ביצים עזבות כל הארץ אני אספתי ולא היה נדד כנף ופצה פה ומצפצף:

ביד עבדיך חרפת אדני ותאמר ברב רכבי אני עליתי מרום הרים ירכתי לבנון ואכרת קומת ארזיו מבחר ברשיו ואבוא מרום קצו יער כרמלו:

אני קרתי ושתיתי מים ואחרב בכף פעמי כל יארי מצור:

בן אדם אמר לנגיד צר כה אמר אדני יהוה יען גבה לבך ותאמר אל אני מושב אלהים ישבתי בלב ימים ואתה אדם ולא אל ותתן לבך כלב אלהים:

בחכמתך ובתבונתך עשית לך חיל ותעש זהב וכסף באוצרותיך:

דבר ואמרת כה אמר אדני יהוה הנני עליך פרעה מלך מצרים התנים הגדול הרבץ בתוך יאריו אשר אמר לי יארי ואני עשיתני:

אנתה מלכא אלהא עליא מלכותא ורבותא ויקרא והדרה יהב לנבכדנצר אבוך:

ומן רבותא די יהב לה כל עממיא אמיא ולשניא הוו זאעין ודחלין מן קדמוהי די הוה צבא הוא קטל ודי הוה צבא הוה מחא ודי הוה צבא הוה מרים ודי הוה צבא הוה משפיל:

בהראתו את עשר כבוד מלכותו ואת יקר תפארת גדולתו ימים רבים שמונים ומאת יום:

אדם ביקר ולא יבין נמשל כבהמות נדמו:

ברכי נפשי את יהוה יהוה אלהי גדלת מאד הוד והדר לבשת:

הדר כבוד הודך ודברי נפלאותיך אשיחה:

זכר רב טובך יביעו וצדקתך ירננו:

טוב יהוה לכל ורחמיו על כל מעשיו:

כבוד מלכותך יאמרו וגבורתך ידברו:

לכן אם תאכלו או אם תשתו או כל אשר תעשו את הכל עשו לכבוד אלהים:

והגוים ילכו לאורה ומלכי ארץ מביאים כבודם ותפארתם אליה:

והביאו בה כבוד הגוים ותפארתם: