וכל דארי ארעא כלה חשיבין וכמצביה עבד בחיל שמיא ודארי ארעא ולא איתי די ימחא בידה ויאמר לה מה עבדת:

וכמקרבה לגבא לדניאל בקל עציב זעק ענה מלכא ואמר לדניאל דניאל עבד אלהא חיא אלהך די אנתה פלח לה בתדירא היכל לשיזבותך מן אריותא:

אלהי שלח מלאכה וסגר פם אריותא ולא חבלוני כל קבל די קדמוהי זכו השתכחת לי ואף קדמיך מלכא חבולה לא עבדת:

ויהי אברם בן תשעים שנה ותשע שנים וירא יהוה אל אברם ויאמר אליו אני אל שדי התהלך לפני והיה תמים:

היפלא מיהוה דבר למועד אשוב אליך כעת חיה ולשרה בן:

ויאמר דוד יהוה אשר הצלני מיד הארי ומיד הדב הוא יצילני מיד הפלשתי הזה ויאמר שאול אל דוד לך ויהוה יהיה עמך:

היום הזה יסגרך יהוה בידי והכיתך והסרתי את ראשך מעליך ונתתי פגר מחנה פלשתים היום הזה לעוף השמים ולחית הארץ וידעו כל הארץ כי יש אלהים לישראל:

בשש צרות יצילך ובשבע לא יגע בך רע:

והוא ישקט ומי ירשע ויסתר פנים ומי ישורנו ועל גוי ועל אדם יחד:

לדוד יהוה אורי וישעי ממי אירא יהוה מעוז חיי ממי אפחד:

בקרב עלי מרעים לאכל את בשרי צרי ואיבי לי המה כשלו ונפלו:

למנצח על ידותון מזמור לדוד אך אל אלהים דומיה נפשי ממנו ישועתי:

עד אנה תהותתו על איש תרצחו כלכם כקיר נטוי גדר הדחויה:

אך לאלהים דומי נפשי כי ממנו תקותי:

כחלום מהקיץ אדני בעיר צלמם תבזה:

ואלהינו בשמים כל אשר חפץ עשה:

יהוה שמרך יהוה צלך על יד ימינך:

יהוה ישמרך מכל רע ישמר את נפשך:

וירכב על כרוב ויעף וידא על כנפי רוח:

ישת חשך סתרו סביבותיו סכתו חשכת מים עבי שחקים:

הנה אל ישועתי אבטח ולא אפחד כי עזי וזמרת יה יהוה ויהי לי לישועה:

יצר סמוך תצר שלום שלום כי בך בטוח:

בטחו ביהוה עדי עד כי ביה יהוה צור עולמים:

בצדקה תכונני רחקי מעשק כי לא תיראי וממחתה כי לא תקרב אליך:

כי לא יפלא מאלהים כל דבר:

אבל לא אחוש לאחת מהנה וגם נפשי לא יקרה בעיני למען אשלים בשמחה את מרוצתי ואת השרות אשר קבלתי מאת האדון ישוע להעיד על בשורת חסד אליהם:

ויען פולוס ויאמר מה לכם אשר תבכו ותשברו לבבי כי נכון אנכי לא לבד להאסר כי גם למות בירושלים על שם ישוע האדון:

ויהי ימים רבים גם השמש גם הכוכבים לא נראו והסערה חזקה עלינו עד מאד ותכרת ממנו כל תקות ישועה:

ועתה אני אמר אליכם חזקו ואמצו כי לא תאבד נפש מכם בלתי הספינה לבדה:

ויאמר אל תירא פולוס עליך עוד לעמד לפני הקיסר ועתה הנה נתן לך האלהים את כל ההלכים אתך באניה:

ועתה מה נאמר על זאת אם האלהים לנו מי יריב אתנו:

אשר על כן יוכל גם להושיע בכל וכל את הנגשים על ידו לאלהים כי חי הוא תמיד להפגיע בעדם: