לא כן הרשעים כי אם כמץ אשר תדפנו רוח:

על כן לא יקמו רשעים במשפט וחטאים בעדת צדיקים:

לאמים כשאון מים רבים ישאון וגער בו ונס ממרחק ורדף כמץ הרים לפני רוח וכגלגל לפני סופה:

לעת ערב והנה בלהה בטרם בקר איננו זה חלק שוסינו וגורל לבזזינו:

הנה שמתיך למורג חרוץ חדש בעל פיפיות תדוש הרים ותדק וגבעות כמץ תשים:

תזרם ורוח תשאם וסערה תפיץ אותם ואתה תגיל ביהוה בקדוש ישראל תתהלל:

לכן יהיו כענן בקר וכטל משכים הלך כמץ יסער מגרן וכעשן מארבה:

קומי ודושי בת ציון כי קרנך אשים ברזל ופרסתיך אשים נחושה והדקות עמים רבים והחרמתי ליהוה בצעם וחילם לאדון כל הארץ:

בעת יזרבו נצמתו בחמו נדעכו ממקומם:

ועוד מעט ואין רשע והתבוננת על מקומו ואיננו:

ויעבר והנה איננו ואבקשהו ולא נמצא:

כי רוח עברה בו ואיננו ולא יכירנו עוד מקומו:

ולא התחזקו וגם מקומם לא נמצא עוד בשמים:

וארא כסא לבן וגדול ואת הישב עליו אשר מפניו נסו ארץ ושמים ולא נמצא להם מקום:

והיה באחרית הימים נכון יהיה הר בית יהוה בראש ההרים ונשא מגבעות ונהרו אליו כל הגוים:

והלכו עמים רבים ואמרו לכו ונעלה אל הר יהוה אל בית אלהי יעקב וירנו מדרכיו ונלכה בארחתיו כי מציון תצא תורה ודבר יהוה מירושלם:

והיה באחרית הימים יהיה הר בית יהוה נכון בראש ההרים ונשא הוא מגבעות ונהרו עליו עמים:

והלכו גוים רבים ואמרו לכו ונעלה אל הר יהוה ואל בית אלהי יעקב ויורנו מדרכיו ונלכה בארחתיו כי מציון תצא תורה ודבר יהוה מירושלם:

יזכרו וישבו אל יהוה כל אפסי ארץ וישתחוו לפניך כל משפחות גוים:

משבית מלחמות עד קצה הארץ קשת ישבר וקצץ חנית עגלות ישרף באש:

כל הארץ ישתחוו לך ויזמרו לך יזמרו שמך סלה:

למנצח בנגינת מזמור שיר אלהים יחננו ויברכנו יאר פניו אתנו סלה:

לדעת בארץ דרכך בכל גוים ישועתך:

יהי פסת בר בארץ בראש הרים ירעש כלבנון פריו ויציצו מעיר כעשב הארץ:

ברוך יהוה אלהים אלהי ישראל עשה נפלאות לבדו:

פנית לפניה ותשרש שרשיה ותמלא ארץ:

כסו הרים צלה וענפיה ארזי אל:

כל גוים אשר עשית יבואו וישתחוו לפניך אדני ויכבדו לשמך:

לא ירעו ולא ישחיתו בכל הר קדשי כי מלאה הארץ דעה את יהוה כמים לים מכסים:

והיה ביום ההוא יצאו מים חיים מירושלם חצים אל הים הקדמוני וחצים אל הים האחרון בקיץ ובחרף יהיה:

והיה יהוה למלך על כל הארץ ביום ההוא יהיה יהוה אחד ושמו אחד:

כי הוא מלך ימלך עד כי ישית את כל איביו תחת רגליו:

והמלאך השביעי תקע בשופר ויהי קלות גדולים בשמים ויאמרו הנה ממלכת העולם היתה לאדיניו ולמשיחו והוא ימלך לעולמי עולמים:

ויתפש את התנין את הנחש הקדמוני הוא המלשין והוא השטן ויאסרהו לאלף שנים:

וישליכהו בתהום ויסגר בעדו ויחתם עליו למען לא ידיח עוד את הגוים עד כלות אלף השנים ואחרי כן יתר לזמן מצער: