Almeida Corrigida Fiel

2 Crónicas 25:8

כי אם בא אתה עשה חזק למלחמה יכשילך האלהים לפני אויב כי יש כח באלהים לעזור ולהכשיל:

Salmos 2:1-4

למה רגשו גוים ולאמים יהגו ריק:

יתיצבו מלכי ארץ ורוזנים נוסדו יחד על יהוה ועל משיחו:

ננתקה את מוסרותימו ונשליכה ממנו עבתימו:

יושב בשמים ישחק אדני ילעג למו:

Isaías 8:9

רעו עמים וחתו והאזינו כל מרחקי ארץ התאזרו וחתו התאזרו וחתו:

Isaías 8:10

עצו עצה ותפר דברו דבר ולא יקום כי עמנו אל:

Isaías 37:22

זה הדבר אשר דבר יהוה עליו בזה לך לעגה לך בתולת בת ציון אחריך ראש הניעה בת ירושלם:

Jeremías 46:3-5

ערכו מגן וצנה וגשו למלחמה:

אסרו הסוסים ועלו הפרשים והתיצבו בכובעים מרקו הרמחים לבשו הסרינת:

מדוע ראיתי המה חתים נסגים אחור וגבוריהם יכתו ומנוס נסו ולא הפנו מגור מסביב נאם יהוה:

Jeremías 46:14-16

הגידו במצרים והשמיעו במגדול והשמיעו בנף ובתחפנחס אמרו התיצב והכן לך כי אכלה חרב סביביך:

מדוע נסחף אביריך לא עמד כי יהוה הדפו:

הרבה כושל גם נפל איש אל רעהו ויאמרו קומה ונשבה אל עמנו ואל ארץ מולדתנו מפני חרב היונה:

Jeremías 51:12

אל חומת בבל שאו נס החזיקו המשמר הקימו שמרים הכינו הארבים כי גם זמם יהוה גם עשה את אשר דבר אל ישבי בבל:

Joel 3:9-12

קראו זאת בגוים קדשו מלחמה העירו הגבורים יגשו יעלו כל אנשי המלחמה:

כתו אתיכם לחרבות ומזמרתיכם לרמחים החלש יאמר גבור אני:

עושו ובאו כל הגוים מסביב ונקבצו שמה הנחת יהוה גבוריך:

יעורו ויעלו הגוים אל עמק יהושפט כי שם אשב לשפט את כל הגוים מסביב:

Amós 4:12

לכן כה אעשה לך ישראל עקב כי זאת אעשה לך הכון לקראת אלהיך ישראל:

Zacarías 14:2

ואספתי את כל הגוים אל ירושלם למלחמה ונלכדה העיר ונשסו הבתים והנשים תשגלנה ויצא חצי העיר בגולה ויתר העם לא יכרת מן העיר:

Zacarías 14:3

ויצא יהוה ונלחם בגוים ההם כיום הלחמו ביום קרב: