אמר אויב ארדף אשיג אחלק שלל תמלאמו נפשי אריק חרבי תורישמו ידי:

יארב במסתר כאריה בסכה יארב לחטוף עני יחטף עני במשכו ברשתו:

אם יאמרו לכה אתנו נארבה לדם נצפנה לנקי חנם:

כל הון יקר נמצא נמלא בתינו שלל:

בני אל תלך בדרך אתם מנע רגלך מנתיבתם:

ביד עבדיך חרפת אדני ותאמר ברב רכבי אני עליתי מרום הרים ירכתי לבנון ואכרת קומת ארזיו מבחר ברשיו ואבוא מרום קצו יער כרמלו:

אני קרתי ושתיתי מים ואחרב בכף פעמי כל יארי מצור:

רגליהם ימהרו לשפך דם:

וילכו חמשת האנשים ויבאו לישה ויראו את העם אשר בקרבה יושבת לבטח כמשפט צדנים שקט ובטח ואין מכלים דבר בארץ יורש עצר ורחקים המה מצדנים ודבר אין להם עם אדם:

והמה לקחו את אשר עשה מיכה ואת הכהן אשר היה לו ויבאו על ליש על עם שקט ובטח ויכו אותם לפי חרב ואת העיר שרפו באש:

קומו עלו אל גוי שליו יושב לבטח נאם יהוה לא דלתים ולא בריח לו בדד ישכנו:

והיו גמליהם לבז והמון מקניהם לשלל וזרתים לכל רוח קצוצי פאה ומכל עבריו אביא את אידם נאם יהוה:

ויאמר אלו רץ דבר אל הנער הלז לאמר פרזות תשב ירושלם מרב אדם ובהמה בתוכה:

ואני אהיה לה נאם יהוה חומת אש סביב ולכבוד אהיה בתוכה:

מימים רבים תפקד באחרית השנים תבוא אל ארץ משובבת מחרב מקבצת מעמים רבים על הרי ישראל אשר היו לחרבה תמיד והיא מעמים הוצאה וישבו לבטח כלם:

אל תחרש על רעך רעה והוא יושב לבטח אתך:

אל תרוב עם אדם חנם אם לא גמלך רעה: