Almeida Corrigida Fiel

Ezequiel 29:10-12

10

לכן הנני אליך ואל יאריך ונתתי את ארץ מצרים לחרבות חרב שממה ממגדל סונה ועד גבול כוש:

11

לא תעבר בה רגל אדם ורגל בהמה לא תעבר בה ולא תשב ארבעים שנה:

12

ונתתי את ארץ מצרים שממה בתוך ארצות נשמות ועריה בתוך ערים מחרבות תהיין שממה ארבעים שנה והפצתי את מצרים בגוים וזריתים בארצות:

Ezequiel 30:7

ונשמו בתוך ארצות נשמות ועריו בתוך ערים נחרבות תהיינה:

Ezequiel 30:13-17

13

כה אמר אדני יהוה והאבדתי גלולים והשבתי אלילים מנף ונשיא מארץ מצרים לא יהיה עוד ונתתי יראה בארץ מצרים:

14

והשמתי את פתרוס ונתתי אש בצען ועשיתי שפטים בנא:

15

ושפכתי חמתי על סין מעוז מצרים והכרתי את המון נא:

16

ונתתי אש במצרים חול תחיל סין ונא תהיה להבקע ונף צרי יומם:

17

בחורי און ופי בסת בחרב יפלו והנה בשבי תלכנה:

Jeremías 43:10-13

10

ואמרת אליהם כה אמר יהוה צבאות אלהי ישראל הנני שלח ולקחתי את נבוכדראצר מלך בבל עבדי ושמתי כסאו ממעל לאבנים האלה אשר טמנתי ונטה את שפרורו עליהם:

11

ובאה והכה את ארץ מצרים אשר למות למות ואשר לשבי לשבי ואשר לחרב לחרב:

12

והצתי אש בבתי אלהי מצרים ושרפם ושבם ועטה את ארץ מצרים כאשר יעטה הרעה את בגדו ויצא משם בשלום:

13

ושבר את מצבות בית שמש אשר בארץ מצרים ואת בתי אלהי מצרים ישרף באש:

Ezequiel 29:3

דבר ואמרת כה אמר אדני יהוה הנני עליך פרעה מלך מצרים התנים הגדול הרבץ בתוך יאריו אשר אמר לי יארי ואני עשיתני:

Proverbios 16:18

לפני שבר גאון ולפני כשלון גבה רוח:

Proverbios 18:12

לפני שבר יגבה לב איש ולפני כבוד ענוה:

Proverbios 29:23

גאות אדם תשפילנו ושפל רוח יתמך כבוד: