דרך תשים לבוא חרב את רבת בני עמון ואת יהודה בירושלם בצורה:

וילחם יואב ברבת בני עמון וילכד את עיר המלוכה:

עזבות ערי ערער לעדרים תהיינה ורבצו ואין מחריד:

כי ארמון נטש המון עיר עזב עפל ובחן היה בעד מערות עד עולם משוש פראים מרעה עדרים:

ורבצו בתוכה עדרים כל חיתו גוי גם קאת גם קפד בכפתריה ילינו קול ישורר בחלון חרב בסף כי ארזה ערה:

זאת העיר העליזה היושבת לבטח האמרה בלבבה אני ואפסי עוד איך היתה לשמה מרבץ לחיה כל עובר עליה ישרק יניע ידו:

כה אמר אדני יהוה יען אמר מואב ושעיר הנה ככל הגוים בית יהודה:

והיה יחזקאל לכם למופת ככל אשר עשה תעשו בבאה וידעתם כי אני אדני יהוה:

ובנותיה אשר בשדה בחרב תהרגנה וידעו כי אני יהוה:

וידעו כי אני יהוה בתתי אש במצרים ונשברו כל עזריה:

שממות עולם אתנך ועריך לא תישבנה וידעתם כי אני יהוה:

והתגדלתי והתקדשתי ונודעתי לעיני גוים רבים וידעו כי אני יהוה:

וידעו כי אתה שמך יהוה לבדך עליון על כל הארץ:

ועתה יהוה אלהינו הושיענו מידו וידעו כל ממלכות הארץ כי אתה יהוה לבדך: