וישכימו ממחרת ויעלו עלת ויגשו שלמים וישב העם לאכל ושתו ויקמו לצחק:

ויאמר אין קול ענות גבורה ואין קול ענות חלושה קול ענות אנכי שמע:

ויהי כאשר קרב אל המחנה וירא את העגל ומחלת ויחר אף משה וישלך מידו את הלחת וישבר אתם תחת ההר:

כמרעיתם וישבעו שבעו וירם לבם על כן שכחוני:

הוי השאננים בציון והבטחים בהר שמרון נקבי ראשית הגוים ובאו להם בית ישראל:

המנדים ליום רע ותגישון שבת חמס:

הפרטים על פי הנבל כדויד חשבו להם כלי שיר:

ותפל שבא ותקחם ואת הנערים הכו לפי חרב ואמלטה רק אני לבדי להגיד לך:

ומכרתי את בניכם ואת בנותיכם ביד בני יהודה ומכרום לשבאים אל גוי רחוק כי יהוה דבר:

ואעדך עדי ואתנה צמידים על ידיך ורביד על גרונך:

ואתן נזם על אפך ועגילים על אזניך ועטרת תפארת בראשך:

ותרא אות אחרת בשמים והנה תנין גדול אדם כאש ולו שבעה ראשים ועשר קרנים ועל ראשיו שבעה כתרים: