ואתנה צאני כה אמר אדני יהוה הנני שפט בין שה לשה לאילים ולעתודים:

וכל מעשר בקר וצאן כל אשר יעבר תחת השבט העשירי יהיה קדש ליהוה:

בערי ההר בערי השפלה ובערי הנגב ובארץ בנימן ובסביבי ירושלם ובערי יהודה עד תעברנה הצאן על ידי מונה אמר יהוה:

ונאספו לפניו כל הגוים והפריד בינותם כאשר יפריד הרעה את הכבשים מן העתודים:

והציב את הכבשים לימינו ואת העתודים לשמאלו:

כי כה אמר אדני יהוה ועשית אותך כאשר עשית אשר בזית אלה להפר ברית:

וזכרתי אני את בריתי אותך בימי נעוריך והקמותי לך ברית עולם:

והבאתי עליכם חרב נקמת נקם ברית ונאספתם אל עריכם ושלחתי דבר בתוככם ונתתם ביד אויב:

אם יעזבו בניו תורתי ובמשפטי לא ילכון:

ופקדתי בשבט פשעם ובנגעים עונם:

רק אתכם ידעתי מכל משפחות האדמה על כן אפקד עליכם את כל עונתיכם: