וגם אני אעשה בחמה לא תחוס עיני ולא אחמל וקראו באזני קול גדול ולא אשמע אותם:

וגם אני לא תחוס עיני ולא אחמל דרכם בראשם נתתי:

הנה היום הזה ראו עיניך את אשר נתנך יהוה היום בידי במערה ואמר להרגך ותחס עליך ואמר לא אשלח ידי באדני כי משיח יהוה הוא:

ואתה ברחמיך הרבים לא עזבתם במדבר את עמוד הענן לא סר מעליהם ביומם להנחתם בהדרך ואת עמוד האש בלילה להאיר להם ואת הדרך אשר ילכו בה:

ולבם לא נכון עמו ולא נאמנו בבריתו:

והוא רחום יכפר עון ולא ישחית והרבה להשיב אפו ולא יעיר כל חמתו:

ואתה בן אדם כה אמר אדני יהוה לאדמת ישראל קץ בא הקץ על ארבעת כנפות הארץ:

ויהי כהנבאי ופלטיהו בן בניה מת ואפל על פני ואזעק קול גדול ואמר אהה אדני יהוה כלה אתה עשה את שארית ישראל:

כי כה אמר יהוה שממה תהיה כל הארץ וכלה לא אעשה:

וגם בימים ההמה נאם יהוה לא אעשה אתכם כלה:

ובשטף עבר כלה יעשה מקומה ואיביו ירדף חשך:

מה תחשבון אל יהוה כלה הוא עשה לא תקום פעמים צרה: