ובשוב צדיק מצדקתו ועשה עול ככל התועבות אשר עשה הרשע יעשה וחי כל צדקתו אשר עשה לא תזכרנה במעלו אשר מעל ובחטאתו אשר חטא בם ימות:

כל חטאתו אשר חטא לא תזכרנה לו משפט וצדקה עשה חיו יחיה:

ותאמר אל אליהו מה לי ולך איש האלהים באת אלי להזכיר את עוני ולהמית את בני:

חטאות נעורי ופשעי אל תזכר כחסדך זכר לי אתה למען טובך יהוה:

לדוד משכיל אשרי נשוי פשע כסוי חטאה:

אשרי אדם לא יחשב יהוה לו עון ואין ברוחו רמיה:

למנצח מזמור לדוד בבוא אליו נתן הנביא כאשר בא אל בת שבע חנני אלהים כחסדך כרב רחמיך מחה פשעי:

כרחק מזרח ממערב הרחיק ממנו את פשעינו:

אנכי אנכי הוא מחה פשעיך למעני וחטאתיך לא אזכר:

ולא ילמדו עוד איש את רעהו ואיש את אחיו לאמר דעו את יהוה כי כולם ידעו אותי למקטנם ועד גדולם נאם יהוה כי אסלח לעונם ולחטאתם לא אזכר עוד:

בימים ההם ובעת ההיא נאם יהוה יבקש את עון ישראל ואיננו ואת חטאת יהודה ולא תמצאינה כי אסלח לאשר אשאיר:

ישוב ירחמנו יכבש עונתינו ותשליך במצלות ים כל חטאותם:

על כן אין אשמה באלה אשר הם במשיח ישוע המתהלכים בלא כבשר כי אם לפי הרוח:

כי אסלח לעונם ולחטאתם ולפשעיהם לא אזכר עוד:

אבל יש שם הזכרת החטאים שנה בשנה:

כי דם הפרים והשעירים לא יוכל להסיר חטאים:

ואתה תשמע מן השמים ועשית ושפטת את עבדיך להשיב לרשע לתת דרכו בראשו ולהצדיק צדיק לתת לו כצדקתו:

יגמלני יהוה כצדקי כבר ידי ישיב לי:

כי כל משפטיו לנגדי וחקתיו לא אסיר מני:

וישב יהוה לי כצדקי כבר ידי לנגד עיניו:

גם עבדך נזהר בהם בשמרם עקב רב:

אשר ישלם לאיש כמעשהו:

למתמידים בעשות הטוב ומבקשים את הכבוד וההדר ואת אשר איננו עבד יתן את חיי העולמים:

אל תתעו לא יתן אלהים להתל בו כי מה שזרע האדם אתו יקצר:

הזרע בבשרו יקצר כליון משברו והזרע ברוח יקצר מן הרוח חיי עולם:

אברהם אבינו הלא במעשיו נצדק בהעלתו את יצחק בנו על המזבח:

וימלא הכתוב האמר והאמן אברהם ביהוה ותחשב לו לצדקה ויקרא אהב יהוה:

וכן גם רחב הזונה הלא נצדקה במעשים באספה את המלאכים אל ביתה ותשלחם בדרך אחר:

בעבור זאת השתדלו להעמיד באמונתכם את הצדקה ובצדקה את הדעת:

ובחסידות את האחוה ובאחוה את האהבה:

כי האיש אשר אין אלה לו עור הוא קצר הראות ושכח את טהרתו מחטאתיו הראשנות:

כי כן יפתח לפניכם לרוחה המבוא אל מלכות עולם אשר לאדנינו ומושיענו ישוע המשיח:

בני אל יתעה אתכם איש העשה צדקה צדיק הוא כאשר הוא צדיק: