יהוה מנת חלקי וכוסי אתה תומיך גורלי:

כלה שארי ולבבי צור לבבי וחלקי אלהים לעולם:

חלקי יהוה אמרתי לשמר דבריך:

זעקתי אליך יהוה אמרתי אתה מחסי חלקי בארץ החיים:

לא כאלה חלק יעקב כי יוצר הכל הוא וישראל שבט נחלתו יהוה צבאות שמו:

לא כאלה חלק יעקוב כי יוצר הכל הוא ושבט נחלתו יהוה צבאות שמו:

זאת אשיב אל לבי על כן אוחיל:

ותצר לדוד מאד כי אמרו העם לסקלו כי מרה נפש כל העם איש על בנו ועל בנתיו ויתחזק דוד ביהוה אלהיו:

ויעזרו עליהם וינתנו בידם ההגריאים וכל שעמהם כי לאלהים זעקו במלחמה ונעתור להם כי בטחו בו:

הן יקטלני לא איחל אך דרכי אל פניו אוכיח:

חזקו ויאמץ לבבכם כל המיחלים ליהוה:

הנה עין יהוה אל יראיו למיחלים לחסדו:

מה תשתוחחי נפשי ומה תהמי עלי הוחילי לאלהים כי עוד אודנו ישועת פני ואלהי:

מה תשתוחחי נפשי ומה תהמי עלי הוחילי לאלהים כי עוד אודנו ישועת פני ואלהי:

בטחו בו בכל עת עם שפכו לפניו לבבכם אלהים מחסה לנו סלה:

יהוה צבאות אשרי אדם בטח בך:

יחל ישראל אל יהוה כי עם יהוה החסד והרבה עמו פדות:

וישעיהו אמר והיה שרש ישי אשר עמד לנס עמים אליו גוים יקוו:

המאמינים על פיו באלהים אשר הקים אתו מעם המתים ויתן לו כבוד למען היות אמונתכם גם תקוה לאלהים: