כי רגע באפו חיים ברצונו בערב ילין בכי ולבקר רנה:

יהוה חננו לך קוינו היה זרעם לבקרים אף ישועתנו בעת צרה:

יהוה צדיק בקרבה לא יעשה עולה בבקר בבקר משפטו יתן לאור לא נעדר ולא יודע עול בשת:

ויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת:

יהוה בהשמים חסדך אמונתך עד שחקים:

משכיל לאיתן האזרחי חסדי יהוה עולם אשירה לדר ודר אודיע אמונתך בפי:

כי אמרתי עולם חסד יבנה שמים תכן אמונתך בהם:

וחסדי לא אפיר מעמו ולא אשקר באמונתי:

עשה שמים וארץ את הים ואת כל אשר בם השמר אמת לעולם:

עלי תקות חיי העולם אשר הבטיח לפני ימות עולם האל אשר לא ישקר:

למען על פי שני דברים בלתי משתנים אשר חלילה לאלהים לשקר בם יהיה לנו אשר נסנו עליו זרוז גדול לאחז בתקוה הנתונה לפנינו:

נחזיקה בהודית התקוה בל נמוט כי נאמן המבטיח: