ערכו על בבל סביב כל דרכי קשת ידו אליה אל תחמלו אל חץ כי ליהוה חטאה:

הנה עם בא מצפון וגוי גדול ומלכים רבים יערו מירכתי ארץ:

קשת וכידן יחזיקו אכזרי המה ולא ירחמו קולם כים יהמה ועל סוסים ירכבו ערוך כאיש למלחמה עליך בת בבל:

אסרו הסוסים ועלו הפרשים והתיצבו בכובעים מרקו הרמחים לבשו הסרינת:

כי עלה מות בחלונינו בא בארמנותינו להכרית עולל מחוץ בחורים מרחבות:

חרבו כל פריה ירדו לטבח הוי עליהם כי בא יומם עת פקדתם:

לכן יפלו בחוריה ברחבתיה וכל אנשי מלחמתה ידמו ביום ההוא נאם יהוה:

מחוץ תשכל חרב ומחדרים אימה גם בחור גם בתולה יונק עם איש שיבה:

אשרי שיאחז ונפץ את עלליך אל הסלע:

כי כוכבי השמים וכסיליהם לא יהלו אורם חשך השמש בצאתו וירח לא יגיה אורו:

אוקיר אנוש מפז ואדם מכתם אופיר:

והיה כצבי מדח וכצאן ואין מקבץ איש אל עמו יפנו ואיש אל ארצו ינוסו:

ועלליהם ירטשו לעיניהם ישסו בתיהם ונשיהם תשגלנה:

וקשתות נערים תרטשנה ופרי בטן לא ירחמו על בנים לא תחוס עינם:

כי אין חסד בדין לאשר לא עשה חסד והחסד יתגאה על הדין:

על הארץ מרתים עלה עליה ואל יושבי פקוד חרב והחרם אחריהם נאם יהוה ועשה ככל אשר צויתיך: