לא כאלה חלק יעקב כי יוצר הכל הוא וישראל שבט נחלתו יהוה צבאות שמו:

יהוה מנת חלקי וכוסי אתה תומיך גורלי:

כלה שארי ולבבי צור לבבי וחלקי אלהים לעולם:

ואלהינו בשמים כל אשר חפץ עשה:

חלקי יהוה אמרה נפשי על כן אוחיל לו:

עזבתי את ביתי נטשתי את נחלתי נתתי את ידדות נפשי בכף איביה:

העיט צבוע נחלתי לי העיט סביב עליה לכו אספו כל חית השדה התיו לאכלה:

כי תשמחי כי תעלזי שסי נחלתי כי תפושי כעגלה דשה ותצהלי כאברים:

ועתה אם שמוע תשמעו בקלי ושמרתם את בריתי והייתם לי סגלה מכל העמים כי לי כל הארץ:

ואתם תהיו לי ממלכת כהנים וגוי קדוש אלה הדברים אשר תדבר אל בני ישראל:

כי חלק יהוה עמו יעקב חבל נחלתו:

אשרי הגוי אשר יהוה אלהיו העם בחר לנחלה לו:

זכר עדתך קנית קדם גאלת שבט נחלתך הר ציון זה שכנת בו:

כי יעקב בחר לו יה ישראל לסגלתו:

ואתם הנכם זרע נבחר ממלכת כהנים וגוי קדוש ועם סגלה למען תספרו תהלות הקורא אתכם מחשך אל אורו הנפלא:

לא כאלה חלק יעקב כי יוצר הכל הוא וישראל שבט נחלתו יהוה צבאות שמו:

גאלנו יהוה צבאות שמו קדוש ישראל: