עשה ארץ בכחו מכין תבל בחכמתו ובתבונתו נטה שמים:

נבער כל אדם מדעת הביש כל צורף מפסל כי שקר נסכו ולא רוח בם:

לא כאלה חלק יעקב כי יוצר הכל הוא וישראל שבט נחלתו יהוה צבאות שמו:

אהה אדני יהוה הנה אתה עשית את השמים ואת הארץ בכחך הגדול ובזרעך הנטויה לא יפלא ממך כל דבר:

בראשית ברא אלהים את השמים ואת הארץ:

ויאמר אלהים יהי אור ויהי אור:

ויקרא אלהים לאור יום ולחשך קרא לילה ויהי ערב ויהי בקר יום אחד:

ויאמר ויעמד רוח סערה ותרומם גליו:

אשרי שאל יעקב בעזרו שברו על יהוה אלהיו:

עשה שמים וארץ את הים ואת כל אשר בם השמר אמת לעולם:

הללו יה הללו את יהוה מן השמים הללוהו במרומים:

הללוהו שמש וירח הללוהו כל כוכבי אור:

יהללו את שם יהוה כי הוא צוה ונבראו:

שאו מרום עיניכם וראו מי ברא אלה המוציא במספר צבאם לכלם בשם יקרא מרב אונים ואמיץ כח איש לא נעדר:

ויצעקו לאמר אנשים למה תעשו כזאת גם אנחנו בני אדם חלשים כמוכם ונבשרה אתכם למען שוב תשובו מן הבליכם אלה אל אלהים חיים אשר עשה את השמים ואת הארץ ואת הים ואת כל אשר בם:

האל אשר עשה את העולם וכל אשר בו לא ישכן בהיכלות מעשה ידים כי הוא אדון השמים והארץ:

כי מהותו הנעלמה היא כחו הנצחי ואלהותו מעת נברא העולם תודע במעשים ותראה לבלתי היות להם להתנצל:

כי בו נברא כל אשר בשמים ואשר בארץ כל הנראה וכל אשר איננו נראה הן כסאות וממשלות הן שררות ורשיות הכל נברא על ידי ולמענהו:

והוא לפני הכל והכל קים בו:

אשר נתנו ליורש כל וגם עשה בידו את העולמות:

והוא זהר כבודו וצלם ישותו ונושא כל בדבר גבורתו ואחרי עשתו בנפשו טהרת חטאתינו ישב לימין הגדלה במרומים:

לך נאה אדנינו לקחת כבוד והדר ועז כי אתה בראת הכל והכל ברצונך היו ונבראו:

מה רבו מעשיך יהוה כלם בחכמה עשית מלאה הארץ קנינך:

לעשה השמים בתבונה כי לעולם חסדו:

יהוה בחכמה יסד ארץ כונן שמים בתבונה:

מה עמק עשר חכמת אלהים ועשר דעתו משפטיו מי יחקר ודרכיו מי ימצא:

נטה שמים לבדו ודורך על במתי ים:

עטה אור כשלמה נוטה שמים כיריעה:

הישב על חוג הארץ וישביה כחגבים הנוטה כדק שמים וימתחם כאהל לשבת:

כה אמר האל יהוה בורא השמים ונוטיהם רקע הארץ וצאצאיה נתן נשמה לעם עליה ורוח להלכים בה:

כה אמר יהוה גאלך ויצרך מבטן אנכי יהוה עשה כל נטה שמים לבדי רקע הארץ מי אתי:

אנכי עשיתי ארץ ואדם עליה בראתי אני ידי נטו שמים וכל צבאם צויתי:

אף ידי יסדה ארץ וימיני טפחה שמים קרא אני אליהם יעמדו יחדו:

ותשכח יהוה עשך נוטה שמים ויסד ארץ ותפחד תמיד כל היום מפני חמת המציק כאשר כונן להשחית ואיה חמת המציק: