כי עברו איי כתיים וראו וקדר שלחו והתבוננו מאד וראו הן היתה כזאת:

ואלה שמות בני ישמעאל בשמתם לתולדתם בכר ישמעאל נבית וקדר ואדבאל ומבשם:

אלה תלדותם בכור ישמעאל נביות וקדר ואדבאל ומבשם:

שחורה אני ונאוה בנות ירושלם כאהלי קדר כיריעות שלמה:

משא בערב ביער בערב תלינו ארחות דדנים:

כי כה אמר אדני אלי בעוד שנה כשני שכיר וכלה כל כבוד קדר:

ושאר מספר קשת גבורי בני קדר ימעטו כי יהוה אלהי ישראל דבר:

ישאו מדבר ועריו חצרים תשב קדר ירנו ישבי סלע מראש הרים יצוחו:

ערב וכל נשיאי קדר המה סחרי ידך בכרים ואילים ועתודים בם סחריך:

נסו נדו מאד העמיקו לשבת ישבי חצור נאם יהוה כי יעץ עליכם נבוכדראצר מלך בבל עצה וחשב עליהם מחשבה:

והיתה חצור למעון תנים שממה עד עולם לא ישב שם איש ולא יגור בה בן אדם:

שמועה שמעתי מאת יהוה וציר בגוים שלוח התקבצו ובאו עליה וקומו למלחמה:

קומו עלו אל גוי שליו יושב לבטח נאם יהוה לא דלתים ולא בריח לו בדד ישכנו:

ערכו על בבל סביב כל דרכי קשת ידו אליה אל תחמלו אל חץ כי ליהוה חטאה:

כרתו זורע מבבל ותפש מגל בעת קציר מפני חרב היונה איש אל עמו יפנו ואיש לארצו ינסו:

על הר נשפה שאו נס הרימו קול להם הניפו יד ויבאו פתחי נדיבים:

קול המון בהרים דמות עם רב קול שאון ממלכות גוים נאספים יהוה צבאות מפקד צבא מלחמה:

ולבני הפילגשים אשר לאברהם נתן אברהם מתנת וישלחם מעל יצחק בנו בעודנו חי קדמה אל ארץ קדם:

והיה אם זרע ישראל ועלה מדין ועמלק ובני קדם ועלו עליו:

ויהי מקנהו שבעת אלפי צאן ושלשת אלפי גמלים וחמש מאות צמד בקר וחמש מאות אתונות ועבדה רבה מאד ויהי האיש ההוא גדול מכל בני קדם:

ועפו בכתף פלשתים ימה יחדו יבזו את בני קדם אדום ומואב משלוח ידם ובני עמון משמעתם: