11
אך אולים שרי צען חכמי יעצי פרעה עצה נבערה איך תאמרו אל פרעה בן חכמים אני בן מלכי קדם:
12
אים אפוא חכמיך ויגידו נא לך וידעו מה יעץ יהוה צבאות על מצרים:
13
נואלו שרי צען נשאו שרי נף התעו את מצרים פנת שבטיה:
14
יהוה מסך בקרבה רוח עועים והתעו את מצרים בכל מעשהו כהתעות שכור בקיאו:
15
ולא יהיה למצרים מעשה אשר יעשה ראש וזנב כפה ואגמון:
16
ביום ההוא יהיה מצרים כנשים וחרד ופחד מפני תנופת יד יהוה צבאות אשר הוא מניף עליו:
