ויבאו אל גדליה המצפתה וישמעאל בן נתניהו ויוחנן ויונתן בני קרח ושריה בן תנחמת ובני עופי הנטפתי ויזניהו בן המעכתי המה ואנשיהם:

ויהי ככלות ירמיהו לדבר אל כל העם את כל דברי יהוה אלהיהם אשר שלחו יהוה אלהיהם אליהם את כל הדברים האלה:

ויוחנן בן קרח וכל שרי החילים אשר בשדה באו אל גדליהו המצפתה:

ויוחנן בן קרח אמר אל גדליהו בסתר במצפה לאמר אלכה נא ואכה את ישמעאל בן נתניה ואיש לא ידע למה יככה נפש ונפצו כל יהודה הנקבצים אליך ואבדה שארית יהודה:

ויקח יוחנן בן קרח וכל שרי החילים אשר אתו את כל שארית העם אשר השיב מאת ישמעאל בן נתניה מן המצפה אחר הכה את גדליה בן אחיקם גברים אנשי המלחמה ונשים וטף וסרסים אשר השיב מגבעון:

שמעו והאזינו אל תגבהו כי יהוה דבר:

ויאמר פרעה מי יהוה אשר אשמע בקלו לשלח את ישראל לא ידעתי את יהוה וגם את ישראל לא אשלח:

עודך מסתולל בעמי לבלתי שלחם:

רשע כגבה אפו בל ידרש אין אלהים כל מזמותיו:

יחילו דרכו בכל עת מרום משפטיך מנגדו כל צורריו יפיח בהם:

יכרת יהוה כל שפתי חלקות לשון מדברת גדלות:

גערת זדים ארורים השגים ממצותיך:

רבת שבעה לה נפשנו הלעג השאננים הבוז לגאיונים:

עינים רמות לשון שקר וידים שפכות דם נקי:

יראת יהוה שנאת רע גאה וגאון ודרך רע ופי תהפכות שנאתי:

תועבת יהוה כל גבה לב יד ליד לא ינקה:

לפני שבר גאון ולפני כשלון גבה רוח:

טוב שפל רוח את עניים מחלק שלל את גאים:

פן אשבע וכחשתי ואמרתי מי יהוה ופן אורש וגנבתי ותפשתי שם אלהי:

הנה עפלה לא ישרה נפשו בו וצדיק באמונתו יחיה:

ואף כי היין בוגד גבר יהיר ולא ינוה אשר הרחיב כשאול נפשו והוא כמות ולא ישבע ויאסף אליו כל הגוים ויקבץ אליו כל העמים:

וידעו העם כלו אפרים ויושב שמרון בגאוה ובגדל לבב לאמר:

לבנים נפלו וגזית נבנה שקמים גדעו וארזים נחליף:

וגם יגדיל לתת חן על כן אומר אלהים ללצים יליץ ולענוים יתן חן:

וכן גם אתם הנערים הכנעו לפני הזקנים וחגרו כלכם שפלות רוח בהכנע איש לרעהו כי אלהים ללצים יליץ ולענוים יתן חן:

כחשו ביהוה ויאמרו לא הוא ולא תבוא עלינו רעה וחרב ורעב לוא נראה:

והנביאים יהיו לרוח והדבר אין בהם כה יעשה להם:

וגם במלך נבוכדנאצר מרד אשר השביעו באלהים ויקש את ערפו ויאמץ את לבבו משוב אל יהוה אלהי ישראל:

וראש אפרים שמרון וראש שמרון בן רמליהו אם לא תאמינו כי לא תאמנו: