2
ותבא העיר במצור עד עשתי עשרה שנה למלך צדקיהו:
3
בתשעה לחדש ויחזק הרעב בעיר ולא היה לחם לעם הארץ:
4
ותבקע העיר וכל אנשי המלחמה הלילה דרך שער בין החמתים אשר על גן המלך וכשדים על העיר סביב וילך דרך הערבה:
5
וירדפו חיל כשדים אחר המלך וישגו אתו בערבות ירחו וכל חילו נפצו מעליו:
6
ויתפשו את המלך ויעלו אתו אל מלך בבל רבלתה וידברו אתו משפט:
7
ואת בני צדקיהו שחטו לעיניו ואת עיני צדקיהו עור ויאסרהו בנחשתים ויבאהו בבל:
