הישב בעיר הזאת ימות בחרב וברעב ובדבר והיוצא ונפל על הכשדים הצרים עליכם יחיה והיתה לו נפשו לשלל:

כה אמר יהוה הישב בעיר הזאת ימות בחרב ברעב ובדבר והיצא אל הכשדים יחיה והיתה לו נפשו לשלל וחי:

כה תאמר אליו כה אמר יהוה הנה אשר בניתי אני הרס ואת אשר נטעתי אני נתש ואת כל הארץ היא:

ואתה תבקש לך גדלות אל תבקש כי הנני מביא רעה על כל בשר נאם יהוה ונתתי לך את נפשך לשלל על כל המקמות אשר תלך שם:

ברוך הגבר אשר יבטח ביהוה והיה יהוה מבטחו:

והיה כעץ שתול על מים ועל יובל ישלח שרשיו ולא ירא כי יבא חם והיה עלהו רענן ובשנת בצרת לא ידאג ולא ימיש מעשות פרי:

כי כל אלה אשר חטאו בלי תורה גם בבלי תורה יאבדו ואשר חטאו בתורה גם על פי התורה ישפטו:

ויעזרו עליהם וינתנו בידם ההגריאים וכל שעמהם כי לאלהים זעקו במלחמה ונעתור להם כי בטחו בו:

נשקו בר פן יאנף ותאבדו דרך כי יבער כמעט אפו אשרי כל חוסי בו:

הנה עין יהוה אל יראיו למיחלים לחסדו:

פודה יהוה נפש עבדיו ולא יאשמו כל החסים בו:

בטח ביהוה ועשה טוב שכן ארץ ורעה אמונה:

ותשועת צדיקים מיהוה מעוזם בעת צרה:

ויעזרם יהוה ויפלטם יפלטם מרשעים ויושיעם כי חסו בו:

יהוה צבאות אשרי אדם בטח בך:

אל תבטחו בנדיבים בבן אדם שאין לו תשועה:

אשרי שאל יעקב בעזרו שברו על יהוה אלהיו:

רוצה יהוה את יראיו את המיחלים לחסדו:

יצר סמוך תצר שלום שלום כי בך בטוח:

להיותנו לתהלת כבודו אנחנו אשר יחלנו אל המשיח מאז:

המאמינים על פיו באלהים אשר הקים אתו מעם המתים ויתן לו כבוד למען היות אמונתכם גם תקוה לאלהים: