ויצוה המלך צדקיהו ויפקדו את ירמיהו בחצר המטרה ונתן לו ככר לחם ליום מחוץ האפים עד תם כל הלחם מן העיר וישב ירמיהו בחצר המטרה:

וישימו עלי רעה תחת טובה ושנאה תחת אהבתי:

והורדוס שר רבע המדינה אשר הוכח על ידו על אדות הורודיה אשת אחיו פילפוס ועל אדות כל הרע אשר עשה הורדוס:

הוסיף על כל אלה גם את זאת ויסגר את יוחנן במשמר:

כי בא ירמיהו אל בית הבור ואל החניות וישב שם ירמיהו ימים רבים:

קראתי שמך יהוה מבור תחתיות:

והוא כאשר צוה כן השליכם בחדר המשמר הפנימי וישם את רגליהם בסד:

נחלצים אנחנו בכל ולא נדכאים דאגים ולא נואשים:

נרדפים ולא נטושים משלכים ולא אבדים:

כי צריכים אתם לסבלנות למען תעשו רצון אלהים ונשאתם את ההבטחה:

ויצוה המלך את ירחמאל בן המלך ואת שריהו בן עזריאל ואת שלמיהו בן עבדאל לקחת את ברוך הספר ואת ירמיהו הנביא ויסתרם יהוה:

ויקח עבד מלך את האנשים בידו ויבא בית המלך אל תחת האוצר ויקח משם בלוי הסחבות ובלוי מלחים וישלחם אל ירמיהו אל הבור בחבלים:

ויאמר עבד מלך הכושי אל ירמיהו שים נא בלואי הסחבות והמלחים תחת אצלות ידיך מתחת לחבלים ויעש ירמיהו כן:

והנה כל הנשים אשר נשארו בבית מלך יהודה מוצאות אל שרי מלך בבל והנה אמרות הסיתוך ויכלו לך אנשי שלמך הטבעו בבץ רגלך נסגו אחור:

ויקחהו וישלכו אתו הברה והבור רק אין בו מים:

ויעלני מבור שאון מטיט היון ויקם על סלע רגלי כונן אשרי:

טבעתי ביון מצולה ואין מעמד באתי במעמקי מים ושבלת שטפתני:

הצילני מטיט ואל אטבעה אנצלה משנאי וממעמקי מים:

אל תשטפני שבלת מים ואל תבלעני מצולה ואל תאטר עלי באר פיה:

צוד צדוני כצפור איבי חנם:

צפו מים על ראשי אמרתי נגזרתי:

גם את בדם בריתך שלחתי אסיריך מבור אין מים בו: