וכתתו גוי בגוי ועיר בעיר כי אלהים הממם בכל צרה:

כי קצף ליהוה על כל הגוים וחמה על כל צבאם החרימם נתנם לטבח:

ואנכי מעשיהם ומחשבתיהם באה לקבץ את כל הגוים והלשנות ובאו וראו את כבודי:

ויסף דבר אליהם לאמר יקום גוי על גוי וממלכה על ממלכה:

והיו אתות בשמש ובירח ובכוכבים ועל הארץ מצוקה לגוים ומבוכה מהמית הים ודכיו:

הנה סערת יהוה חמה יצאה וסער מתחולל על ראש רשעים יחול:

הנה סערת יהוה חמה יצאה סער מתגורר על ראש רשעים יחול:

אשר חציו שנונים וכל קשתתיו דרכות פרסות סוסיו כצר נחשבו וגלגליו כסופה:

והשמיע יהוה את הוד קולו ונחת זרועו יראה בזעף אף ולהב אש אוכלה נפץ וזרם ואבן ברד:

לכן חכו לי נאם יהוה ליום קומי לעד כי משפטי לאסף גוים לקבצי ממלכות לשפך עליהם זעמי כל חרון אפי כי באש קנאתי תאכל כל הארץ: