תנו ליהוה אלהיכם כבוד בטרם יחשך ובטרם יתנגפו רגליכם על הרי נשף וקויתם לאור ושמה לצלמות ישית לערפל:

יהי דרכם חשך וחלקלקות ומלאך יהוה רדפם:

אך בחלקות תשית למו הפלתם למשואות:

דרך רשעים כאפלה לא ידעו במה יכשלו:

יהדפהו מאור אל חשך ומתבל ינדהו:

ואל ארץ יביט והנה צרה וחשכה מעוף צוקה ואפלה מנדח:

ויאמר אליהם ישוע אך למצער יהיה האור עמכם התהלכו בעוד לכם האור פן ישופכם חשך וההלך בחשך לא ידע אנה הוא הלך:

והשנא את אחיו בחשך הוא ובחשך יתהלך ולא ידע אנה הוא הלך כי החשך עור את עיניו:

משברי ים עזים אשר יגרשו בשתם ככבים תעים אשר חשך אפלה צפון להם עדי עד:

ושארית לא תהיה להם כי אביא רעה אל אנשי ענתות שנת פקדתם:

לכן יהיה דרכם להם כחלקלקות באפלה ידחו ונפלו בה כי אביא עליהם רעה שנת פקדתם נאם יהוה:

הניס מפני הפחד יפל אל הפחת והעלה מן הפחת ילכד בפח כי אביא אליה אל מואב שנת פקדתם נאם יהוה:

חרבו כל פריה ירדו לטבח הוי עליהם כי בא יומם עת פקדתם:

ועתה לך נחה את העם אל אשר דברתי לך הנה מלאכי ילך לפניך וביום פקדי ופקדתי עליהם חטאתם:

טובם כחדק ישר ממסוכה יום מצפיך פקדתך באה עתה תהיה מבוכתם: