שמנו עשתו גם עברו דברי רע דין לא דנו דין יתום ויצליחו ומשפט אביונים לא שפטו:

כי אמלט עני משוע ויתום ולא עזר לו:

צדק לבשתי וילבשני כמעיל וצניף משפטי:

אב אנכי לאביונים ורב לא ידעתי אחקרהו:

לשלמה אלהים משפטיך למלך תן וצדקתך לבן מלך:

ישאו הרים שלום לעם וגבעות בצדקה:

שפטו דל ויתום עני ורש הצדיקו:

פלטו דל ואביון מיד רשעים הצילו:

כי יעמד לימין אביון להושיע משפטי נפשו:

הצל לקחים למות ומטים להרג אם תחשוך:

כי תאמר הן לא ידענו זה הלא תכן לבות הוא יבין ונצר נפשך הוא ידע והשיב לאדם כפעלו:

למדו היטב דרשו משפט אשרו חמוץ שפטו יתום ריבו אלמנה:

וידרכו את לשונם קשתם שקר ולא לאמונה גברו בארץ כי מרעה אל רעה יצאו ואתי לא ידעו נאם יהוה:

והפצותים בגוים אשר לא ידעו המה ואבותם ושלחתי אחריהם את החרב עד כלותי אותם:

כי אם בזאת יתהלל המתהלל השכל וידע אותי כי אני יהוה עשה חסד משפט וצדקה בארץ כי באלה חפצתי נאם יהוה:

כי זאת הברית אשר אכרת את בית ישראל אחרי הימים ההם נאם יהוה נתתי את תורתי בקרבם ועל לבם אכתבנה והייתי להם לאלהים והמה יהיו לי לעם:

ולא ילמדו עוד איש את רעהו ואיש את אחיו לאמר דעו את יהוה כי כולם ידעו אותי למקטנם ועד גדולם נאם יהוה כי אסלח לעונם ולחטאתם לא אזכר עוד:

אין קדוש כיהוה כי אין בלתך ואין צור כאלהינו:

ואתה שלמה בני דע את אלהי אביך ועבדהו בלב שלם ובנפש חפצה כי כל לבבות דורש יהוה וכל יצר מחשבות מבין אם תדרשנו ימצא לך ואם תעזבנו יזניחך לעד:

ויבטחו בך יודעי שמך כי לא עזבת דרשיך יהוה:

ויאמרו אליו איו אביך ויען ישוע גם אתי גם את אבי לא ידעתם אלו אתי ידעתם כי עתה גם את אבי ידעתם:

ויען ישוע אם אני מכבד את נפשי כבודי מאין אבי הוא המכבד אתי אשר תאמרו עליו כי הוא אלהיכם:

ולא ידעתם אתו ואני ידעתיו ואם אמר לא ידעתי אתו אהיה כזב כמוכם אבל ידעתיו ואת דברו שמרתי:

וכזאת יעשו לכם יען גם את אבי וגם אתי לא ידעו:

ואלה הם חיי העולמים לדעת אתך אשר אתה לבדך אל אמת ואת ישוע המשיח אשר שלחת:

את שמך הודעתי לבני האדם אשר נתתם לי מתוך העולם לך היו ולי נתת אתם ואת דברך נצרו:

אמרים המה כי ידעו את האלהים ובמעשיהם כופרים בו כי מתעבים וממרים הם ולא יצלחו לכל מעשה טוב:

ובזאת נדע כי הכרנו אותו אם נשמר את מצותיו:

האמר הכרתיו ואת מצותיו לא ישמר כזב הוא והאמת אין בו: