זה עני קרא ויהוה שמע ומכל צרותיו הושיעו:

ונפשי תגיל ביהוה תשיש בישועתו:

יקומון עדי חמס אשר לא ידעתי ישאלוני:

כי שמע אל אביונים יהוה ואת אסיריו לא בזה:

ישפט עניי עם יושיע לבני אביון וידכא עושק:

אודה יהוה מאד בפי ובתוך רבים אהללנו:

כי יעמד לימין אביון להושיע משפטי נפשו:

כי היית מעוז לדל מעוז לאביון בצר לו מחסה מזרם צל מחרב כי רוח עריצים כזרם קיר:

שמעו אחי אהובי הלא בעניי העולם הזה בחר האלהים להיות עשירים באמונה וירשי המלכות אשר הבטיח לאהביו:

ואתם הכלמתם את העני הלא העשירים הם העשקים אתכם והם הסחבים אתכם אל בתי דין: