ויאמרו לכו ונחשבה על ירמיהו מחשבות כי לא תאבד תורה מכהן ועצה מחכם ודבר מנביא לכו ונכהו בלשון ואל נקשיבה אל כל דבריו:

ויהוה הודיעני ואדעה אז הראיתני מעלליהם:

ויהוה צבאות שפט צדק בחן כליות ולב אראה נקמתך מהם כי אליך גליתי את ריבי:

אתה ידעת יהוה זכרני ופקדני והנקם לי מרדפי אל לארך אפך תקחני דע שאתי עליך חרפה:

צופה רשע לצדיק ומבקש להמיתו:

יהוה לא יעזבנו בידו ולא ירשיענו בהשפטו:

שמע אלהינו כי היינו בוזה והשב חרפתם אל ראשם ותנם לבזה בארץ שביה:

ואל תכס על עונם וחטאתם מלפניך אל תמחה כי הכעיסו לנגד הבונים:

יבשו ויכלמו מבקשי נפשי יסגו אחור ויחפרו חשבי רעתי:

ואתה יהוה אלהים צבאות אלהי ישראל הקיצה לפקד כל הגוים אל תחן כל בגדי און סלה:

יהי שלחנם לפניהם לפח ולשלומים למוקש:

שפך עליהם זעמך וחרון אפך ישיגם:

כי אתה אשר הכית רדפו ואל מכאוב חלליך יספרו:

ימחו מספר חיים ועם צדיקים אל יכתבו:

יזכר עון אבתיו אל יהוה וחטאת אמו אל תמח:

יהיו נגד יהוה תמיד ויכרת מארץ זכרם:

וישח אדם וישפל איש ואל תשא להם:

הבשו כי תועבה עשו גם בוש לא יבשו והכלם לא ידעו לכן יפלו בנפלים בעת פקדתם יכשלו אמר יהוה:

ושארית לא תהיה להם כי אביא רעה אל אנשי ענתות שנת פקדתם:

ומה תעשו ליום פקדה ולשואה ממרחק תבוא על מי תנוסו לעזרה ואנה תעזבו כבודכם:

כי ימי נקם המה למלאת כל הכתוב:

ובקשי לבבך הממאן לשוב תצבר לך עברה אל יום עברת האלהים ועת הגלות צדקת משפטו: