ויאמר אל דוד צדיק אתה ממני כי אתה גמלתני הטובה ואני גמלתיך הרעה:

וכי ימצא איש את איבו ושלחו בדרך טובה ויהוה ישלמך טובה תחת היום הזה אשר עשיתה לי:

ישלמוני רעה תחת טובה שכול לנפשי:

ומשלמי רעה תחת טובה ישטנוני תחת רדופי טוב:

תחת אהבתי ישטנוני ואני תפלה:

וישימו עלי רעה תחת טובה ושנאה תחת אהבתי:

משיב רעה תחת טובה לא תמיש רעה מביתו:

ויען אתם ישוע מעשים טובים רבים הראיתי אתכם מאת אבי על אי זה מן המעשים ההם תסקלני:

אך למלאת דבר הכתוב בתורתם שנאת חנם שנאוני:

תשמע זעקה מבתיהם כי תביא עליהם גדוד פתאם כי כרו שיחה ללכדני ופחים טמנו לרגלי:

אף על יתום תפילו ותכרו על ריעכם:

בור כרה ויחפרהו ויפל בשחת יפעל:

כי חנם טמנו לי שחת רשתם חנם חפרו לנפשי:

רשת הכינו לפעמי כפף נפשי כרו לפני שיחה נפלו בתוכה סלה:

לי קוו רשעים לאבדני עדתיך אתבונן:

כרה שחת בה יפל וגלל אבן אליו תשוב:

חפר גומץ בו יפול ופרץ גדר ישכנו נחש:

ואתה אל תתפלל בעד העם הזה ואל תשא בעדם רנה ותפלה ואל תפגע בי כי אינני שמע אתך:

ואתה אל תתפלל בעד העם הזה ואל תשא בעדם רנה ותפלה כי אינני שמע בעת קראם אלי בעד רעתם:

אם עונינו ענו בנו יהוה עשה למען שמך כי רבו משובתינו לך חטאנו:

למה תהיה כאיש נדהם כגבור לא יוכל להושיע ואתה בקרבנו יהוה ושמך עלינו נקרא אל תנחנו:

ויאמר יהוה אלי אל תתפלל בעד העם הזה לטובה:

ידענו יהוה רשענו עון אבותינו כי חטאנו לך:

היש בהבלי הגוים מגשמים ואם השמים יתנו רבבים הלא אתה הוא יהוה אלהינו ונקוה לך כי אתה עשית את כל אלה:

ויאמר יהוה אלי אם יעמד משה ושמואל לפני אין נפשי אל העם הזה שלח מעל פני ויצאו:

ויפנו משם האנשים וילכו סדמה ואברהם עודנו עמד לפני יהוה:

אולי יש חמשים צדיקם בתוך העיר האף תספה ולא תשא למקום למען חמשים הצדיקם אשר בקרבה:

ויאמר יהוה אם אמצא בסדם חמשים צדיקם בתוך העיר ונשאתי לכל המקום בעבורם:

אולי יחסרון חמשים הצדיקם חמשה התשחית בחמשה את כל העיר ויאמר לא אשחית אם אמצא שם ארבעים וחמשה:

ויאמר אל נא יחר לאדני ואדברה אולי ימצאון שם שלשים ויאמר לא אעשה אם אמצא שם שלשים:

ויאמר אל נא יחר לאדני ואדברה אך הפעם אולי ימצאון שם עשרה ויאמר לא אשחית בעבור העשרה:

ויאמר להשמידם לולי משה בחירו עמד בפרץ לפניו להשיב חמתו מהשחית:

ואבקש מהם איש גדר גדר ועמד בפרץ לפני בעד הארץ לבלתי שחתה ולא מצאתי:

ואשפך עליהם זעמי באש עברתי כליתים דרכם בראשם נתתי נאם אדני יהוה:

ויראני את יהושע הכהן הגדול עמד לפני מלאך יהוה והשטן עמד על ימינו לשטנו:

ויאמר יהוה אל השטן יגער יהוה בך השטן ויגער יהוה בך הבחר בירושלם הלוא זה אוד מצל מאש: