ויאמר אלי בן אדם את אשר תמצא אכול אכול את המגלה הזאת ולך דבר אל בית ישראל:

ויאמר אלי בן אדם בטנך תאכל ומעיך תמלא את המגלה הזאת אשר אני נתן אליך ואכלה ותהי בפי כדבש למתוק:

ואבא אל המלאך ואמר לו תנה לי את הספר ויאמר אלי קח ואכל אתו וימר לבטנך אבל בפיך יהיה מתוק כדבש:

מצות שפתיו ולא אמיש מחקי צפנתי אמרי פיו:

הנחמדים מזהב ומפז רב ומתוקים מדבש ונפת צופים:

טוב לי תורת פיך מאלפי זהב וכסף:

מה אהבתי תורתך כל היום היא שיחתי:

מכל ארח רע כלאתי רגלי למען אשמר דברך:

מה נמלצו לחכי אמרתך מדבש לפי:

למה תהיה כאיש נדהם כגבור לא יוכל להושיע ואתה בקרבנו יהוה ושמך עלינו נקרא אל תנחנו: