מקוה ישראל יהוה כל עזביך יבשו יסורי בארץ יכתבו כי עזבו מקור מים חיים את יהוה:

כל מוצאיהם אכלום וצריהם אמרו לא נאשם תחת אשר חטאו ליהוה נוה צדק ומקוה אבותיהם יהוה:

ויהוה מציון ישאג ומירושלם יתן קולו ורעשו שמים וארץ ויהוה מחסה לעמו ומעוז לבני ישראל:

ובעבור זאת קראתי לכם לראותכם ולדבר עמכם כי בגלל תקות ישראל אסור אני בכבל הזה:

פולוס שליח ישוע המשיח כמצות האלהים מושיענו והאדון ישוע המשיח תקותנו:

כי אני יהוה אלהיך קדוש ישראל מושיעך נתתי כפרך מצרים כוש וסבא תחתיך:

אנכי אנכי יהוה ואין מבלעדי מושיע:

אכן אתה אל מסתתר אלהי ישראל מושיע:

הגידו והגישו אף יועצו יחדו מי השמיע זאת מקדם מאז הגידה הלוא אני יהוה ואין עוד אלהים מבלעדי אל צדיק ומושיע אין זולתי:

ויהי יהוה משגב לדך משגב לעתות בצרה:

ותשועת צדיקים מיהוה מעוזם בעת צרה:

ויעזרם יהוה ויפלטם יפלטם מרשעים ויושיעם כי חסו בו:

למנצח לבני קרח על עלמות שיר אלהים לנו מחסה ועז עזרה בצרות נמצא מאד:

וקראני ביום צרה אחלצך ותכבדני:

יקראני ואענהו עמו אנכי בצרה אחלצהו ואכבדהו:

אם אלך בקרב צרה תחיני על אף איבי תשלח ידך ותושיעני ימינך:

המנחם אתנו בכל לחצנו עד שנוכל לנחם הנלחצים בכל לחץ בנחמה אשר אנחנו מנחמים בה מאת האלהים:

כי כרב ענויי המשיח בנו כן תרבה נחמתנו על ידי המשיח:

למה יהוה תעמד ברחוק תעלים לעתות בצרה:

וישא עיניו וירא את האיש הארח ברחב העיר ויאמר האיש הזקן אנה תלך ומאין תבוא: