ושברתי את גאון עזכם ונתתי את שמיכם כברזל ואת ארצכם כנחשה:

ותם לריק כחכם ולא תתן ארצכם את יבולה ועץ הארץ לא יתן פריו:

והיו שמיך אשר על ראשך נחשת והארץ אשר תחתיך ברזל:

יתן יהוה את מטר ארצך אבק ועפר מן השמים ירד עליך עד השמדך:

גפרית ומלח שרפה כל ארצה לא תזרע ולא תצמח ולא יעלה בה כל עשב כמהפכת סדם ועמרה אדמה וצביים אשר הפך יהוה באפו ובחמתו:

אליך יהוה אקרא כי אש אכלה נאות מדבר ולהבה להטה כל עצי השדה:

גם בהמות שדה תערוג אליך כי יבשו אפיקי מים ואש אכלה נאות המדבר:

הבישו אכרים הילילו כרמים על חטה ועל שערה כי אבד קציר שדה:

עבשו פרדות תחת מגרפתיהם נשמו אצרות נהרסו ממגרות כי הביש דגן: