מי בכם ירא יהוה שמע בקול עבדו אשר הלך חשכים ואין נגה לו יבטח בשם יהוה וישען באלהיו:

קומי אורי כי בא אורך וכבוד יהוה עליך זרח:

והלכו גוים לאורך ומלכים לנגה זרחך:

אל תשמחי איבתי לי כי נפלתי קמתי כי אשב בחשך יהוה אור לי:

זעף יהוה אשא כי חטאתי לו עד אשר יריב ריבי ועשה משפטי יוציאני לאור אראה בצדקתו:

העם ההלכים בחשך ראו אור גדול וישבי בארץ צלמות אור נגה עליהם:

ברחמי חסד אלהינו אשר בהם פקדנו הנגה ממרום:

להאיר לישבי חשך וצלמות ולהכין את רגלינו אל דרך השלום:

אור לגלות עיני הגוים ותפארת ישראל עמך:

ויסף ישוע וידבר אליהם לאמר אני אור העולם כל ההלך אחרי לא יתהלך בחשכה כי אור החיים יהיה לו:

ויאמר אליהם ישוע אך למצער יהיה האור עמכם התהלכו בעוד לכם האור פן ישופכם חשך וההלך בחשך לא ידע אנה הוא הלך:

אני באתי לאור אל העולם למען כל אשר יאמין בי לא ישב בחשך:

כי מלפנים הייתם חשך ועתה הנכם אור באדנינו התהלכו נא כבני אור:

אבל כל זאת יגלה כשיוכח על ידי האור כי כל הנגלה אור הוא:

על כן הוא אומר עורה הישן וקומה מן המתים ויאר לך המשיח:

ואתם הנכם זרע נבחר ממלכת כהנים וגוי קדוש ועם סגלה למען תספרו תהלות הקורא אתכם מחשך אל אורו הנפלא:

וזאת היא השמועה אשר שמענו ממנו ונגד לכם כי האלהים אור הוא וכל חשך אין בו:

אך אם באור נלך כאשר הוא באור הנה נתחברנו יחד ודם ישוע המשיח בנו יטהרנו מכל חטא:

בטרם אלך ולא אשוב אל ארץ חשך וצלמות:

גם כי אלך בגיא צלמות לא אירא רע כי אתה עמדי שבטך ומשענתך המה ינחמני:

ישבי חשך וצלמות אסירי עני וברזל:

יוציאם מחשך וצלמות ומוסרותיהם ינתק:

עשה כימה וכסיל והפך לבקר צלמות ויום לילה החשיך הקורא למי הים וישפכם על פני הארץ יהוה שמו: