וחכיתי ליהוה המסתיר פניו מבית יעקב וקויתי לו:

ואמר ביום ההוא הנה אלהינו זה קוינו לו ויושיענו זה יהוה קוינו לו נגילה ונשמחה בישועתו:

ולכן יחכה יהוה לחננכם ולכן ירום לרחמכם כי אלהי משפט יהוה אשרי כל חוכי לו:

גם כל קויך לא יבשו יבשו הבוגדים ריקם:

הדריכני באמתך ולמדני כי אתה אלהי ישעי אותך קויתי כל היום:

תם וישר יצרוני כי קויתיך:

קוה אל יהוה חזק ויאמץ לבך וקוה אל יהוה:

קוה אל יהוה ושמר דרכו וירוממך לרשת ארץ בהכרת רשעים תראה:

למנצח לדוד מזמור קוה קויתי יהוה ויט אלי וישמע שועתי:

ילכו מחיל אל חיל יראה אל אלהים בציון:

מזמור שיר ליום השבת טוב להדות ליהוה ולזמר לשמך עליון:

שתולים בבית יהוה בחצרות אלהינו יפריחו:

הנה כעיני עבדים אל יד אדוניהם כעיני שפחה אל יד גברתה כן עינינו אל יהוה אלהינו עד שיחננו:

טוב יהוה לקוו לנפש תדרשנו:

טוב ויחיל ודומם לתשועת יהוה:

אבל אם נקוה לאשר לא ראינהו נחכה לו בסבלנות:

ולחכות לבנו מן השמים אשר העירו מן המתים לישוע מצילנו מן החרון הבא:

ויקרא שמשון אל יהוה ויאמר אדני יהוה זכרני נא וחזקני נא אך הפעם הזה האלהים ואנקמה נקם אחת משתי עיני מפלשתים:

ויאחז צדיק דרכו וטהר ידים יסיף אמץ:

ויחננו ויאמר פדעהו מרדת שחת מצאתי כפר:

יעתר אל אלוה וירצהו וירא פניו בתרועה וישב לאנוש צדקתו:

המשביע בטוב עדיך תתחדש כנשר נעוריכי:

ביום קראתי ותענני תרהבני בנפשי עז:

כי לא נכחד מכם אחי את צרתנו אשר מצאתנו באסיא אשר כבדה עלינו עד למאד ויותר מכחנו עד כי נואשנו מן החיים:

אשר הצילנו ממות כזה ועודנו מציל ולו אנחנו מקוים כי יוסיף להצילנו:

נחלצים אנחנו בכל ולא נדכאים דאגים ולא נואשים:

ונשאים בכל עת מיתת האדון ישוע בגויתנו למען יגלו גם חיי ישוע בגויתנו:

ויאמר אלי די לך חסדי כי בחלשה תשלם גבורתי על כן שמח לבי להתהלל בחלשותי למען תשרה עלי גבורת המשיח:

לכן רצתה נפשי בחלשות ובחרפות ובצרות וברדיפות ובמצוקות בעד המשיח כי כאשר חלשתי אז גבור אני:

אתם ראיתם אשר עשיתי למצרים ואשא אתכם על כנפי נשרים ואבא אתכם אלי:

ילכו מחיל אל חיל יראה אל אלהים בציון:

מי זאת עלה מן המדבר מתרפקת על דודה תחת התפוח עוררתיך שמה חבלתך אמך שמה חבלה ילדתך:

וגברתים ביהוה ובשמו יתהלכו נאם יהוה:

ודמות החיה הראשונה כאריה והחיה השנית כשור ופני החיה השלישית כפני אדם ודמות החיה הרביעית כנשר מעופף:

לולא האמנתי לראות בטוב יהוה בארץ חיים:

וגם משל דבר אליהם להתפלל תמיד ולא להתרפות:

על כן בהיות לנו השרות הזה כאשר חננו לא נחת:

ובעבור זאת לא נחת ואף אם יכלה בנו האדם החיצון הנה האדם הפנימי יתחדש יום יום:

ואנחנו בעשות הטוב אל נחת כי נקצר בעתו אם לא נרפה:

לכן גם אנחנו אשר ענן עדים רב כזה סבב אתנו נשליכה ממנו כל טרח והחטא המקיף עלינו ונרוצה בתוחלת את המרוצה הערוכה לפנינו:

ואתה נשאת הרבה ויש לך סבלנות ולמען שמי לא יעפת: