ויאמר חזקיהו אל ישעיהו מה אות כי ירפא יהוה לי ועליתי ביום השלישי בית יהוה:

למנצח משכיל לבני קרח כאיל תערג על אפיקי מים כן נפשי תערג אליך אלהים:

צמאה נפשי לאלהים לאל חי מתי אבוא ואראה פני אלהים:

למנצח על הגתית לבני קרח מזמור מה ידידות משכנותיך יהוה צבאות:

נכספה וגם כלתה נפשי לחצרות יהוה לבי ובשרי ירננו אל אל חי:

כי טוב יום בחצריך מאלף בחרתי הסתופף בבית אלהי מדור באהלי רשע:

יהוה צבאות אשרי אדם בטח בך:

יסר יסרני יה ולמות לא נתנני:

פתחו לי שערי צדק אבא בם אודה יה:

שיר המעלות לדוד שמחתי באמרים לי בית יהוה נלך:

ויהי אחרי כן וימצאהו ישוע בבית המקדש ויאמר אליו הנה נרפא לך אל תוסיף לחטא פן תאנה אליך רעה גדולה מזאת: