כי פחד פחדתי ויאתיני ואשר יגרתי יבא לי:

לא שלותי ולא שקטתי ולא נחתי ויבא רגז:

ואמר עם קני אגוע וכחול ארבה ימים:

ואני אמרתי בשלוי בל אמוט לעולם:

יהוה ברצונך העמדתה להררי עז הסתרת פניך הייתי נבהל:

יהוה העלית מן שאול נפשי חייתני מיורדי בור:

ויעלני מבור שאון מטיט היון ויקם על סלע רגלי כונן אשרי:

כי חסדך גדול עלי והצלת נפשי משאול תחתיה:

נחשבתי עם יורדי בור הייתי כגבר אין איל:

שתני בבור תחתיות במחשכים במצלות:

לקצבי הרים ירדתי הארץ ברחיה בעדי לעולם ותעל משחת חיי יהוה אלהי:

אנכי אנכי הוא מחה פשעיך למעני וחטאתיך לא אזכר:

בגאות רשע ידלק עני יתפשו במזמות זו חשבו:

נשאת עון עמך כסית כל חטאתם סלה:

ולא ילמדו עוד איש את רעהו ואיש את אחיו לאמר דעו את יהוה כי כולם ידעו אותי למקטנם ועד גדולם נאם יהוה כי אסלח לעונם ולחטאתם לא אזכר עוד:

מי אל כמוך נשא עון ועבר על פשע לשארית נחלתו לא החזיק לעד אפו כי חפץ חסד הוא:

ישוב ירחמנו יכבש עונתינו ותשליך במצלות ים כל חטאותם: