The earth is utterly broken down, the earth is clean dissolved, the earth is moved exceedingly.
Isaías 24:1-5
1
הנה יהוה בוקק הארץ ובולקה ועוה פניה והפיץ ישביה:
2
והיה כעם ככהן כעבד כאדניו כשפחה כגברתה כקונה כמוכר כמלוה כלוה כנשה כאשר נשא בו:
3
הבוק תבוק הארץ והבוז תבוז כי יהוה דבר את הדבר הזה:
4
אבלה נבלה הארץ אמללה נבלה תבל אמללו מרום עם הארץ:
5
והארץ חנפה תחת ישביה כי עברו תורת חלפו חק הפרו ברית עולם:
Isaías 34:4-10
4
ונמקו כל צבא השמים ונגלו כספר השמים וכל צבאם יבול כנבל עלה מגפן וכנבלת מתאנה:
5
כי רותה בשמים חרבי הנה על אדום תרד ועל עם חרמי למשפט:
6
חרב ליהוה מלאה דם הדשנה מחלב מדם כרים ועתודים מחלב כליות אילים כי זבח ליהוה בבצרה וטבח גדול בארץ אדום:
7
וירדו ראמים עמם ופרים עם אבירים ורותה ארצם מדם ועפרם מחלב ידשן:
8
כי יום נקם ליהוה שנת שלומים לריב ציון:
9
ונהפכו נחליה לזפת ועפרה לגפרית והיתה ארצה לזפת בערה:
10
לילה ויומם לא תכבה לעולם יעלה עשנה מדור לדור תחרב לנצח נצחים אין עבר בה:
Jeremías 4:23-28
23
ראיתי את הארץ והנה תהו ובהו ואל השמים ואין אורם:
24
ראיתי ההרים והנה רעשים וכל הגבעות התקלקלו:
25
ראיתי והנה אין האדם וכל עוף השמים נדדו:
26
ראיתי והנה הכרמל המדבר וכל עריו נתצו מפני יהוה מפני חרון אפו:
27
כי כה אמר יהוה שממה תהיה כל הארץ וכלה לא אעשה:
28
על זאת תאבל הארץ וקדרו השמים ממעל על כי דברתי זמתי ולא נחמתי ולא אשוב ממנה:
Nahúm 1:5
הרים רעשו ממנו והגבעות התמגגו ותשא הארץ מפניו ותבל וכל ישבי בה:
Habacuc 3:6
עמד וימדד ארץ ראה ויתר גוים ויתפצצו הררי עד שחו גבעות עולם הליכות עולם לו:
Mateo 24:3
וישב על הר הזיתים ויגשו אליו התלמידים לבדם ויאמרו אמר נא לנו מתי תהיה זאת ומה הוא אות בואך ואות קץ העולם:
Apocalipsis 20:11
וארא כסא לבן וגדול ואת הישב עליו אשר מפניו נסו ארץ ושמים ולא נמצא להם מקום: