יספת לגוי יהוה יספת לגוי נכבדת רחקת כל קצוי ארץ:

פנו אלי והושעו כל אפסי ארץ כי אני אל ואין עוד:

אך ביהוה לי אמר צדקות ועז עדיו יבוא ויבשו כל הנחרים בו:

חשף יהוה את זרוע קדשו לעיני כל הגוים וראו כל אפסי ארץ את ישועת אלהינו:

ושמתי בהם אות ושלחתי מהם פליטים אל הגוים תרשיש פול ולוד משכי קשת תבל ויון האיים הרחקים אשר לא שמעו את שמעי ולא ראו את כבודי והגידו את כבודי בגוים:

והביאו את כל אחיכם מכל הגוים מנחה ליהוה בסוסים וברכב ובצבים ובפרדים ובכרכרות על הר קדשי ירושלם אמר יהוה כאשר יביאו בני ישראל את המנחה בכלי טהור בית יהוה:

שאל ממני ואתנה גוים נחלתך ואחזתך אפסי ארץ:

יזכרו וישבו אל יהוה כל אפסי ארץ וישתחוו לפניך כל משפחות גוים:

אכלו וישתחוו כל דשני ארץ לפניו יכרעו כל יורדי עפר ונפשו לא חיה:

יבאו ויגידו צדקתו לעם נולד כי עשה:

יברכנו אלהים וייראו אתו כל אפסי ארץ:

וירד מים עד ים ומנהר עד אפסי ארץ:

מלכי תרשיש ואיים מנחה ישיבו מלכי שבא וסבא אשכר יקריבו:

זכר חסדו ואמונתו לבית ישראל ראו כל אפסי ארץ את ישועת אלהינו:

הדו ליהוה כי טוב כי לעולם חסדו:

ומארצות קבצם ממזרח וממערב מצפון ומים:

רעבים גם צמאים נפשם בהם תתעטף:

וידריכם בדרך ישרה ללכת אל עיר מושב:

כי השביע נפש שקקה ונפש רעבה מלא טוב:

כי המרו אמרי אל ועצת עליון נאצו:

ויזעקו אל יהוה בצר להם ממצקותיהם יושיעם:

יודו ליהוה חסדו ונפלאותיו לבני אדם:

אולים מדרך פשעם ומעונתיהם יתענו:

ויזעקו אל יהוה בצר להם ממצקותיהם יושיעם:

יודו ליהוה חסדו ונפלאותיו לבני אדם:

יורדי הים באניות עשי מלאכה במים רבים:

ויאמר ויעמד רוח סערה ותרומם גליו:

יחוגו וינועו כשכור וכל חכמתם תתבלע:

יקם סערה לדממה ויחשו גליהם:

יודו ליהוה חסדו ונפלאותיו לבני אדם:

ישם נהרות למדבר ומצאי מים לצמאון:

ישם מדבר לאגם מים וארץ ציה למצאי מים:

ויזרעו שדות ויטעו כרמים ויעשו פרי תבואה:

וימעטו וישחו מעצר רעה ויגון:

וישגב אביון מעוני וישם כצאן משפחות:

מי חכם וישמר אלה ויתבוננו חסדי יהוה:

ועמד ורעה בעז יהוה בגאון שם יהוה אלהיו וישבו כי עתה יגדל עד אפסי ארץ:

ואז ישלח את מלאכיו ויקבץ את בחיריו מארבע הרוחות מקצה הארץ עד קצה השמים:

כי כן צוה עלינו האדון נתתיך לאור גוים להיות ישועתי עד קצה הארץ:

מי כמכה באלם יהוה מי כמכה נאדר בקדש נורא תהלת עשה פלא:

ישמח צדיק כי חזה נקם פעמיו ירחץ בדם הרשע:

וישירו את שירת משה עבד אלהים ושירת השה לאמר גדולים מעשיך ונפלאים יהוה אלהים צבאות צדק ואמת דרכיך מלך הגוים:

ואשמע את מלאך המים אמר צדיק אתה ההוה והיה והקדוש כי כן שפטת:

ואשמע את המזבח אמר אמנם כן יהוה אלהים צבאות אמת וצדק משפטיך:

אחרי כן שמעתי קול גדול כקול המון רב בשמים האמרים הללויה הישועה והכבוד והעז ליהוה אלהינו:

וישנו ויאמרו הללויה ועשנה יעלה לעולמי עולמים:

וקול יוצא מן הכסא ויאמר הללו את אלהינו כל עבדיו ויראיו הקטנים עם הגדולים:

לכן ישלח האדון יהוה צבאות במשמניו רזון ותחת כבדו יקד יקד כיקוד אש:

והיה ביום ההוא ידל כבוד יעקב ומשמן בשרו ירזה:

ויתן להם שאלתם וישלח רזון בנפשם:

חזות קשה הגד לי הבוגד בוגד והשודד שודד עלי עילם צורי מדי כל אנחתה השבתי:

הוי שודד ואתה לא שדוד ובוגד ולא בגדו בו כהתמך שודד תושד כנלתך לבגד יבגדו בך:

גם לא שמעת גם לא ידעת גם מאז לא פתחה אזנך כי ידעתי בגוד תבגוד ופשע מבטן קרא לך:

אכן בגדה אשה מרעה כן בגדתם בי בית ישראל נאם יהוה:

כי בגוד בגדו בי בית ישראל ובית יהודה נאם יהוה:

צדיק אתה יהוה כי אריב אליך אך משפטים אדבר אותך מדוע דרך רשעים צלחה שלו כל בגדי בגד:

כי גם אחיך ובית אביך גם המה בגדו בך גם המה קראו אחריך מלא אל תאמן בם כי ידברו אליך טובות:

בכו תבכה בלילה ודמעתה על לחיה אין לה מנחם מכל אהביה כל רעיה בגדו בה היו לה לאיבים:

ביהוה בגדו כי בנים זרים ילדו עתה יאכלם חדש את חלקיהם:

והמה כאדם עברו ברית שם בגדו בי:

למה תראני און ועמל תביט ושד וחמס לנגדי ויהי ריב ומדון ישא: