שמעו שמים והאזיני ארץ כי יהוה דבר בנים גדלתי ורוממתי והם פשעו בי:

למנצח לבני קרח מזמור שמעו זאת כל העמים האזינו כל ישבי חלד:

גם בני אדם גם בני איש יחד עשיר ואביון:

מזמור לאסף אל אלהים יהוה דבר ויקרא ארץ ממזרח שמש עד מבאו:

ארץ ארץ ארץ שמעי דבר יהוה:

שמעו הרים את ריב יהוה והאתנים מסדי ארץ כי ריב ליהוה עם עמו ועם ישראל יתוכח:

ונשא נס לגוים מרחוק ושרק לו מקצה הארץ והנה מהרה קל יבוא:

והיה ביום ההוא ישרק יהוה לזבוב אשר בקצה יארי מצרים ולדבורה אשר בארץ אשור:

על הר נשפה שאו נס הרימו קול להם הניפו יד ויבאו פתחי נדיבים:

קול המון בהרים דמות עם רב קול שאון ממלכות גוים נאספים יהוה צבאות מפקד צבא מלחמה:

יהוה רמה ידך בל יחזיון יחזו ויבשו קנאת עם אף אש צריך תאכלם:

אם יתקע שופר בעיר ועם לא יחרדו אם תהיה רעה בעיר ויהוה לא עשה:

אריה שאג מי לא יירא אדני יהוה דבר מי לא ינבא:

קול יהוה לעיר יקרא ותושיה יראה שמך שמעו מטה ומי יעדה:

ויהוה עליהם יראה ויצא כברק חצו ואדני יהוה בשופר יתקע והלך בסערות תימן:

מי אשר אזנים לו לשמע ישמע:

ואתם אשרי עיניכם כי תראינה ואזניכם כי תשמענה: