לא ידעתי נפשי שמתני מרכבות עמי נדיב:

אני אהביה אהב ומשחרי ימצאנני:

לא בסתר דברתי במקום ארץ חשך לא אמרתי לזרע יעקב תהו בקשוני אני יהוה דבר צדק מגיד מישרים:

דרשו יהוה בהמצאו קראהו בהיותו קרוב:

יעזב רשע דרכו ואיש און מחשבתיו וישב אל יהוה וירחמהו ואל אלהינו כי ירבה לסלוח:

ובקשתם אתי ומצאתם כי תדרשני בכל לבבכם:

טוב יהוה לקוו לנפש תדרשנו:

שאלו וינתן לכם דרשו ותמצאו דפקו ויפתח לכם:

ראשך עליך ככרמל ודלת ראשך כארגמן מלך אסור ברהטים:

ויאמר שלחני כי עלה השחר ויאמר לא אשלחך כי אם ברכתני:

החזק במוסר אל תרף נצרה כי היא חייך:

בבטן עקב את אחיו ובאונו שרה את אלהים:

וישר אל מלאך ויכל בכה ויתחנן לו בית אל ימצאנו ושם ידבר עמנו:

הנה הלכות להגיד לתלמידיו והנה ישוע נקרה אליהן ויאמר שלום לכן ותגשנה ותאחזנה ברגליו ותשתחוין לו:

ויאמר אליה ישוע מרים ותפן ותאמר אליו רבוני הוא מורה:

ויאמר אליה ישוע אל תגעי בי כי עוד לא עליתי אל אבי אך לכי נא אל אחי ואמרי אליהם אני עלה אל אבי ואביכם ואל אלהי ואלהיכם:

הנני בא מהרה החזק באשר לך למען לא יקח איש את נזרך:

המנצח אתננו לעמוד בהיכל אלהי ולא יצא עוד החוצה וכתבתי עליו את שם אלהי ואת שם עיר אלהי ירושלים החדשה הירדת משמים מעם אלהי ואת שמי החדש:

ותאמר ציון עזבני יהוה ואדני שכחני:

הן על כפים חקתיך חומתיך נגדי תמיד:

שאי סביב עיניך וראי כלם נקבצו באו לך חי אני נאם יהוה כי כלם כעדי תלבשי ותקשרים ככלה:

רני עקרה לא ילדה פצחי רנה וצהלי לא חלה כי רבים בני שוממה מבני בעולה אמר יהוה:

כי ימין ושמאול תפרצי וזרעך גוים יירש וערים נשמות יושיבו:

אבל ירושלים של מעלה היא חפשיה והיא אם כלנו: