אב אנכי לאביונים ורב לא ידעתי אחקרהו:

אם אמאס משפט עבדי ואמתי ברבם עמדי:

אם הניפותי על יתום ידי כי אראה בשער עזרתי:

אגילה ואשמחה בחסדך אשר ראית את עניי ידעת בצרות נפשי:

למנצח מזמור לדוד אשרי משכיל אל דל ביום רעה ימלטהו יהוה:

אחי גם כי יתפש איש מכם בעברה אתם אנשי הרוח תקימהו ברוח ענוה והשמר לנפשך פן תבא לידי נסיון גם אתה:

אטם אזנו מזעקת דל גם הוא יקרא ולא יענה:

ויבאו נערי דוד וידברו אל נבל ככל הדברים האלה בשם דוד וינוחו:

ולקחתי את לחמי ואת מימי ואת טבחתי אשר טבחתי לגזזי ונתתי לאנשים אשר לא ידעתי אי מזה המה:

שמנו עשתו גם עברו דברי רע דין לא דנו דין יתום ויצליחו ומשפט אביונים לא שפטו:

התמלך כי אתה מתחרה בארז אביך הלוא אכל ושתה ועשה משפט וצדקה אז טוב לו:

כי אין עיניך ולבך כי אם על בצעך ועל דם הנקי לשפוך ועל העשק ועל המרוצה לעשות:

אב ואם הקלו בך לגר עשו בעשק בתוכך יתום ואלמנה הונו בך:

עם הארץ עשקו עשק וגזלו גזל ועני ואביון הונו ואת הגר עשקו בלא משפט:

ואשפך עליהם זעמי באש עברתי כליתים דרכם בראשם נתתי נאם אדני יהוה:

ואמר שמעו נא ראשי יעקב וקציני בית ישראל הלוא לכם לדעת את המשפט:

ואשר אכלו שאר עמי ועורם מעליהם הפשיטו ואת עצמתיהם פצחו ופרשו כאשר בסיר וכבשר בתוך קלחת: