ובני יצהר קרח ונפג וזכרי:

ויקח קרח בן יצהר בן קהת בן לוי ודתן ואבירם בני אליאב ואון בן פלת בני ראובן:

ותפתח הארץ את פיה ותבלע אתם ואת בתיהם ואת כל האדם אשר לקרח ואת כל הרכוש:

ובני אליאב נמואל ודתן ואבירם הוא דתן ואבירם קרואי העדה אשר הצו על משה ועל אהרן בעדת קרח בהצתם על יהוה:

ובני קרח לא מתו:

בני קהת עמינדב בנו קרח בנו אסיר בנו:

ואלה העמדים ובניהם מבני הקהתי הימן המשורר בן יואל בן שמואל:

בן תחת בן אסיר בן אביסף בן קרח:

בן יצהר בן קהת בן לוי בן ישראל:

למנצח על הגתית לבני קרח מזמור מה ידידות משכנותיך יהוה צבאות:

גם צפור מצאה בית ודרור קן לה אשר שתה אפרחיה את מזבחותיך יהוה צבאות מלכי ואלהי:

אשרי אדם עוז לו בך מסלות בלבבם:

ילכו מחיל אל חיל יראה אל אלהים בציון:

מגננו ראה אלהים והבט פני משיחך:

כי שמש ומגן יהוה אלהים חן וכבוד יתן יהוה לא ימנע טוב להלכים בתמים:

למנצח לבני קרח מזמור רצית יהוה ארצך שבת שבות יעקב:

ויהי איש אחד מן הרמתים צופים מהר אפרים ושמו אלקנה בן ירחם בן אליהוא בן תחו בן צוף אפרתי:

אלקנה בנו ואביסף בנו ואסיר בנו:

אליאב בנו ירחם בנו אלקנה בנו:

ובני שמואל הבכר ושני ואביה: