אמרת אך דבר שפתים עצה וגבורה למלחמה עתה על מי בטחת כי מרדת בי:

הקץ לדברי רוח או מה ימריצך כי תענה:

ויאמר עזריה בן הושעיה ויוחנן בן קרח וכל האנשים הזדים אמרים אל ירמיהו שקר אתה מדבר לא שלחך יהוה אלהינו לאמר לא תבאו מצרים לגור שם:

אך דברי וחקי אשר צויתי את עבדי הנביאים הלוא השיגו אבתיכם וישובו ויאמרו כאשר זמם יהוה צבאות לעשות לנו כדרכינו וכמעללינו כן עשה אתנו:

אמרתם שוא עבד אלהים ומה בצע כי שמרנו משמרתו וכי הלכנו קדרנית מפני יהוה צבאות:

אל ישיא איש אתכם בדברי ריק כי בגלל אלה חרון אלהים בא על בני המרי: