וסמך ידו על ראש העלה ונרצה לו לכפר עליו:

ושחט את בן הבקר לפני יהוה והקריבו בני אהרן הכהנים את הדם וזרקו את הדם על המזבח סביב אשר פתח אהל מועד:

וישחט ויקח משה את הדם ויתן על קרנות המזבח סביב באצבעו ויחטא את המזבח ואת הדם יצק אל יסוד המזבח ויקדשהו לכפר עליו:

ויקרב אהרן אל המזבח וישחט את עגל החטאת אשר לו:

וישחט את העלה וימצאו בני אהרן אליו את הדם ויזרקהו על המזבח סביב:

ואת אהרן ואת בניו תקריב אל פתח אהל מועד ורחצת אתם במים:

אם עלה קרבנו מן הבקר זכר תמים יקריבנו אל פתח אהל מועד יקריב אתו לרצנו לפני יהוה: