אמר בלבו שכח אל הסתיר פניו בל ראה לנצח:

אלה עשית והחרשתי דמית היות אהיה כמוך אוכיחך ואערכה לעיניך:

למנצח לדוד מזמור יהוה חקרתני ותדע:

ארחי ורבעי זרית וכל דרכי הסכנתה:

כי עיניו על דרכי איש וכל צעדיו יראה:

ויאמר יהוה על עזבם את תורתי אשר נתתי לפניהם ולא שמעו בקולי ולא הלכו בה:

לכן כה אמר יהוה צבאות אלהי ישראל הנני מאכילם את העם הזה לענה והשקיתים מי ראש:

כי עיני על כל דרכיהם לא נסתרו מלפני ולא נצפן עונם מנגד עיני:

אם יסתר איש במסתרים ואני לא אראנו נאם יהוה הלוא את השמים ואת הארץ אני מלא נאם יהוה:

ויאמר אלי הראית בן אדם אשר זקני בית ישראל עשים בחשך איש בחדרי משכיתו כי אמרים אין יהוה ראה אתנו עזב יהוה את הארץ:

וארא את המתים הקטנים עם הגדלים עמדים לפני הכסא וספרים נפתחים ויפתח ספר אחר אשר הוא ספר החיים וישפטו המתים על פי הכתוב בספרים כמעשיהם:

שגיאות מי יבין מנסתרות נקני:

כי נכח עיני יהוה דרכי איש וכל מעגלתיו מפלס:

כי את כל מעשה האלהים יבא במשפט על כל נעלם אם טוב ואם רע:

ויהי עד כה ועד כה בהתאסף רבבות עם עד כי לחצו איש את רעהו ויחל לדבר אל תלמידיו בראשונה השמרו לנפשתיכם משאור הפרושים שהוא החנפה:

ואין דבר מכסה אשר לא יגלה ואין נעלם אשר לא יודע:

ביום אשר ישפט האלהים את כל תעלמות בני האדם ביד ישוע המשיח כפי בשורתי:

על כן אל תשפטו שפוט לפני העת עד כי יבוא האדון אשר גם יוציא לאור את תעלמות החשך ויגלה את עצת הלבבות ואז תהיה תהלה לכל איש מאת האלהים:

כי דבר האלהים חי הוא ופעל גבורות וחד מחרב פיפיות ונכנס עד להבדיל בין נפש לרוח ובין הדבקים למוח ובחן מחשבות לבב ומזמותיו:

ואין כל נברא נסתר מנגדו כי הכל חשוף וגלוי לעיני בעל דברים שלנו:

כי אם לבבנו ירשיע אתנו האלהים נשגב הוא מלבבנו וידע את כל:

שרפה באש כסוחה מגערת פניך יאבדו: