אודה יהוה כצדקו ואזמרה שם יהוה עליון:

לדוד בשנותו את טעמו לפני אבימלך ויגרשהו וילך אברכה את יהוה בכל עת תמיד תהלתו בפי:

גדלו ליהוה אתי ונרוממה שמו יחדו:

לדוד ברכי נפשי את יהוה וכל קרבי את שם קדשו:

ברכי נפשי את יהוה ואל תשכחי כל גמוליו:

תהלה לדוד ארוממך אלוהי המלך ואברכה שמך לעולם ועד:

גדול יהוה ומהלל מאד ולגדלתו אין חקר:

הללו יה הללי נפשי את יהוה:

אהללה יהוה בחיי אזמרה לאלהי בעודי:

ויברך דויד את יהוה לעיני כל הקהל ויאמר דויד ברוך אתה יהוה אלהי ישראל אבינו מעולם ועד עולם:

והעשר והכבוד מלפניך ואתה מושל בכל ובידך כח וגבורה ובידך לגדל ולחזק לכל:

ואמרת ביום ההוא אודך יהוה כי אנפת בי ישב אפך ותנחמני:

לכן נקריב על ידו בכל עת זבח תודה לאלהים היא פרי שפתים המודות לשמו:

וישירו שיר חדש לאמר לך נאה לקחת את הספר ולפתח את חותמיו כי אתה נשחטת ובדמך קניתנו לאלהים מכל משפחה ולשון וכל עם וגוי:

וארא ואשמע קול מלאכים רבים סביב לכסא ולחיות ולזקנים מספרם רבו רבבות ואלפי אלפים:

וכל בריה אשר בשמים ובארץ ומתחת לארץ ואשר על הים וכל אשר בהם את כלם שמעתי אמרים לאמר לישב על הכסא ולשה הברכה וההדר והכבוד והעז לעולמי עולמים:

אודך אדני אלהי בכל לבבי ואכבדה שמך לעולם:

הללו יה אודה יהוה בכל לבב בסוד ישרים ועדה:

לדוד אודך בכל לבי נגד אלהים אזמרך:

ויען ויאמר ואהבת את יהוה אלהיך בכל לבבך ובכל נפשך ובכל מאדך ובכל מדעך ואת רעך כמוך:

למען אספרה כל תהלתיך בשערי בת ציון אגילה בישועתך:

אדני שפתי תפתח ופי יגיד תהלתך:

מי ימלל גבורות יהוה ישמיע כל תהלתו:

זכרו נפלאתיו אשר עשה מפתיו ומשפטי פיהו:

ספרו בגוים את כבודו בכל העמים נפלאתיו:

עם זו יצרתי לי תהלתי יספרו:

שפעת גמלים תכסך בכרי מדין ועיפה כלם משבא יבאו זהב ולבונה ישאו ותהלת יהוה יבשרו:

וישירו את שירת משה עבד אלהים ושירת השה לאמר גדולים מעשיך ונפלאים יהוה אלהים צבאות צדק ואמת דרכיך מלך הגוים: