לדוד אליך יהוה אקרא צורי אל תחרש ממני פן תחשה ממני ונמשלתי עם יורדי בור:

מה בצע בדמי ברדתי אל שחת היודך עפר היגיד אמתך:

מהר ענני יהוה כלתה רוחי אל תסתר פניך ממני ונמשלתי עם ירדי בור:

רוחי חבלה ימי נזעכו קברים לי:

הנה לשלום מר לי מר ואתה חשקת נפשי משחת בלי כי השלכת אחרי גוך כל חטאי:

כי לא שאול תודך מות יהללך לא ישברו יורדי בור אל אמתך:

והורדתיך את יורדי בור אל עם עולם והושבתיך בארץ תחתיות כחרבות מעולם את יורדי בור למען לא תשבי ונתתי צבי בארץ חיים:

לקצבי הרים ירדתי הארץ ברחיה בעדי לעולם ותעל משחת חיי יהוה אלהי:

ואנחנו בלבבנו חרצנו לנו את המות למען לא נהיה בטחים בנפשנו כי אם באלהים המחיה את המתים:

נשכחתי כמת מלב הייתי ככלי אבד:

כי עני ואביון אנכי ולבי חלל בקרבי:

ברכי כשלו מצום ובשרי כחש משמן:

כי המשיח בעודנו חלשים מת בעתו בעד הרעשים:

כי אם גם נצלב בחלשה אכן חי הוא בגבורת אלהים ואם גם חלשים בו אנחנו אכן נחיה עמו בגבורת אלהים לנגדכם: